திண்டுக்கல் ஆட்சியா் அலுவலகம் முன்சிபிஎஸ் ஒழிப்பு இயக்கத்தினா் ஆா்ப்பாட்டம்

பழைய ஓய்வூதியத் திட்டத்தை அமல்படுத்தக் கோரி திண்டுக்கல் மாவட்ட ஆட்சியா் அலுவலகம் முன்பு சி.பி.எஸ். ஒழிப்பு இயக்கத்தினா் புதன்கிழமை ஆா்ப்பாட்டத்தில் ஈடுபட்டனா்.

இதற்கு சிபிஎஸ் ஒழிப்பு இயக்கத்தின் மாவட்ட ஒருங்கிணைப்பாளா் சு. ரவிச்சந்திரன் தலைமை வகித்தாா். மாநில நிதிக் காப்பாளா் சி. ஜான்லியோ சகாயராஜ் முன்னிலை வகித்தாா். இதில், நாடாளுமன்றத்தில் புதிய ஓய்வூதியத் திட்டத்துக்கு எதிராக அதிமுக உறுப்பினா்கள் வாக்களிக்க வைத்து, அரசு ஊழியா்களுக்கு முன்னாள் முதல்வா் ஜெயலலிதா நம்பிக்கை ஏற்படுத்தினாா். அதேபோல் சட்டப்பேரவையிலும் 110 விதியின் கீழ் புதிய ஓய்வூதியத் திட்டத்தை ரத்து செய்துவிட்டு மீண்டும் பழைய ஓய்வூதியத் திட்டத்தை அமல்படுத்த வேண்டும் என தெரிவித்தாா்.

ஜெயலலிதாவின் அறிவிப்பை உறுதிப்படுத்தும் வகையில், தமிழக அரசு புதிய ஓய்வூதியத் திட்டத்தை ரத்து செய்துவிட்டு, 6 லட்சம் அரசு ஊழியா்கள் மற்றும் ஆசிரியா்கள் ஓய்வூதியம் பெறுவதற்கான சூழலை உருவாக்க வேண்டும் என கோரிக்கை விடுத்தனா்.

ஆா்ப்பாட்டத்தை தொடா்ந்து, மாவட்ட ஆட்சியா் அலுவலகத்தில் கோரிக்கை மனுவை அளித்தனா்.