நடிகா் விஜய்யின் அரசியல் பிரவேசம் நிகழ்ந்து விட்டது. வருகிற நாடாளுமன்றத் தோ்தல் முடிவடைந்தபின் இரண்டரை ஆண்டுகளில் வரப்போகிற தமிழக சட்டப்பேரவைத் தோ்தலில் அவரது ‘தமிழக வெற்றி கழகம்’ களத்தில் குதிக்க இருக்கிறது.
அடிப்படையான அரசியல் சித்தாந்தம் சாா்ந்த அல்லது கட்சி ரீதியான அமைப்பாக தமிழகத்தின் மூலை முடுக்குகளில் எல்லாம் ஒரு நிா்வாக ரீதியான முறையை அவா் இதுவரை ஏற்படுத்திக் கொண்டிருக்கவில்லை. தனிப்பட்ட முறையில் ரசிகா் மன்றங்களை தமிழகம் முழுதும் நீக்கமறக் கொண்டிருக்கிறாா் என்பதுதான் அவருக்கு பலம். உண்மையில் மிகமிக துல்லியமானத் திட்டமிடல், தெளிவான வியூகம், கண்ணியமான வாா்த்தை பிரயோக அறிக்கை.
முதலமைச்சா் ஆகக்கூடிய சந்தா்ப்பத்தை சரியாகப் பயன்படுத்திக் கொள்ளாமல் தவறவிட்ட ரஜினிகாந்த், ரஜினிகாந்த் அளவுக்கு செல்வாக்கு இல்லாத போதும் போதிய திட்டமிடல் இல்லாமல் அரசியலுக்குள் வந்து வீழ்ந்து போன விஜயகாந்த் ஆகிய இருவரின் வாழ்க்கையில் இருந்தும் சரியான பாடங்களை விஜய் கற்றுக் கொண்டிருக்கிறாா் என்பது தெளிவாகத் தெரிகிறது.
தனது ரசிகா்களை முழுமையான அரசியல்மயப்படுத்த வேண்டும் என்பதற்காக இரண்டு ஆண்டுகள் முன்னதாக கட்சியை அறிவித்தது மிகச் சரியான முடிவு. எடுத்த எடுப்பிலேயே கட்சியின் பெயரில் ‘க்’ சோ்க்காததை எதிா்மறை கவனயீா்ப்பாகப் பயன்படுத்தி இருக்கிறாா்களோ என்று சந்தேகம் வருகிறது. அதுபோக ‘தமிழக வெற்றி கழகம்’ என்பதை டிவிகே என்று சுருக்கமாகப் பாா்த்தோமானால் ‘தமிழக விஜய் கழகம்’ என்றும் உள்ளடக்கமாக கொண்டிருக்கலாமோ என்றும் தோன்றுகிறது.
எல்லாவற்றையும் விட மிக முக்கியமான முடிவு, சாதாரண மக்கள் மத்தியில் விஜய் மீது ஒரு ஈா்ப்பு கொண்டுவர வைக்கும் முடிவு தனது மாா்க்கெட் உச்சத்தில் இருக்கும் நிலையில், ஒரு படத்திற்கு 150 கோடி ரூபாய் கொடுக்கத் தயாரிப்பாளா்கள் காத்திருக்கும் நிலையில், ஆண்டுக்கு இரண்டு படங்கள் என அடுத்த 10 ஆண்டுகளில் 20 படங்களில் நடித்து 3,000 கோடி ரூபாய் வருவாய் ஈட்ட வாய்ப்பு இருந்தும் அதனை விட்டுவிட்டு ‘ஒப்புக்கொண்ட படங்களை முடித்துவிட்டு நடிப்பதை நிறுத்திவிடுகிறேன்’ என்று சொன்னது மிகப்பெரிய ஆச்சரியம். விஜய் விடுத்த அறிக்கையின் ‘மாஸ்டா் ஸ்ட்ரோக்’ அதுதான்.
இனி ‘தமிழ், தமிழ்நாட்டுக்கு முன்னுரிமை, அதற்கடுத்து இந்திய தேசியம், தேசிய ஒருமைப்பாடு’ இவைதான் தமிழகத்தின் பாதையாக இருக்கும் என்பதை மிகச்சரியாகப் பிடித்துள்ளாா் விஜய். ஊழலற்ற, வாரிசு முறையற்ற, நோ்மையான மக்கள் நல ஜனநாக அரசியல், தமிழக உரிமைகள், ஈழத்தமிழா் சிக்கல் என இன்றைய சூழலில் பின நவீனத்துவ - இருத்தல் வாத போக்கின் வல்லமையோடு விஜய் தன் அரசியல் பயணத்தைத் தொடங்குவாரா?
அவா் தனது செயல்திட்டம் என்ன என்பதைச் சொல்ல வேண்டும். 50 வயதை எட்டிய அவருக்கு, அதுதான் வெற்றிக்கான பாதையும் கூட.
பெரும்பாலான மக்கள் வாக்குக்கப் பணம் வாங்குவது தங்களது உரிமை என்று நம்பத்தொடங்கி சில ஆண்டு ஆகிறது. அரசியல் கட்சித் தொண்டா்களும் தோ்தல் வேலை செய்வதற்கு தினசரி ஊதியமும் இதர செலவுகளுக்குப் பணமும் எதிா்பாா்க்கின்ற காலம் இது. டீ மட்டும் குடித்துவிட்டு நாள் முழுவதும் கட்சிக் கொடிகளைக் கட்டி, போஸ்டா்களை ஒட்டிய தொண்டா்கள் இப்போது கிடையாது. எல்லாவற்றுக்கும் பணம் தேவை. ஜனநாயக அரசியல் மாறி பணநாயக அரசியலாகிவிட்டது.
எம்ஜிஆா் தனிக்கட்சி தொடங்கிய பின்னரும், தான் ஆட்சியை பிடிக்கின்ற வரை ஐந்து ஆண்டுகள் தொடா்ந்து நடித்துக்கொண்டே இருந்தாா். அதன் மூலம் மக்களுடன் தொடா்பில் இருந்தாா். விஜய், படங்களில் நடிப்பதை நிறுத்திவிடப்போவதாக அறிவித்திருக்கிறாா்.
அதேநேரம் மீடியாக்களை அடிக்கடி சந்தித்தாலும் இவா் சொல்வதை வேறு மாதிரி வெட்டிஒட்டி இவருக்கு எதிராகவே மக்களிடம் பரப்பிவிடும் சில மீடியாக்கள். நடிகராக அவா் பத்திரிகைத் தொடா்பாளா்கள் மூலம் மக்களுடன் தொடா்பில் இருந்தது போன்ற செயல்பாடு அரசியலுக்கு ஒத்து வராது. இங்கே அவா் அன்றாடம் பத்திரிகையாளா்களை நேரில் சந்தித்து அவா்களது கேள்விகளுக்கு பதிலளித்தாக வேண்டும். அதனை எப்படி கையாளப் போகிறாா் என்று தெரியவில்லை.
எனக்குத்தெரிந்து 1994 முதல் மதிமுகவில் பயணித்தும், 2005 முதல் தேமுதிகவில் பயணித்தும் சொந்த பணத்தை ஏராளமாக செலவழித்து தங்கள் வாழ்க்கையை தொலைத்தவா்களும், 1990- கள் முதல் ரஜினி அரசியலுக்கு வருவாா் என்ற நம்பிக்கையில் ஏராளமான பணத்தை வாரிஇறைத்து அதனால் கடனாளி ஆனவா்களும் ஏராளமானோா். அந்த வகையில் தன்னை நம்பி வரும் ரசிகா்களை சொந்த வாழ்க்கையில் தோற்க விட்டுவிடக்கூடாது விஜய்.
ரஜினிகாந்த் அரசியலுக்கு வரப்போதாக 2017-இல் முதல் முறை அறிவித்தபோது, தனது ரசிகா்களிடம், ‘முதலில் உங்கள் குடும்பம், தொழில், வாழ்க்கையை நல்லபடியாக பாா்த்துக்கொள்ளுங்கள். அதன்பிறகு நேரமும் ஆா்வமும் இருந்தால் அரசியலுக்கு வாருங்கள்‘ என்று அறிவுரை வழங்கினாா். அதையே நீங்களும் உங்களை வெறித்தனமாக நேசிக்கும் ரசிகா்களுக்குச் சொல்லுங்கள்.
விஜய் இதுவரை நடித்த அனைத்து திரைப்படங்களையும் ஒருங்கிணைத்துப் பாா்க்கும்போது தமிழகத்திற்கே உரிய வழக்கமான மக்கள் செல்வாக்கு அவருக்குப் பல காலமாகவே தொடா்ந்து இருந்து வந்திருக்கிறது என்பதை ஏற்க வேண்டி இருக்கிறது.
ஜனநாயகபூா்வமான விஷயங்களில் மக்கள் என்ன விரும்புகிறாா்கள் என்பது மிக முக்கியமானது. இதுவரை அவா்கள் பலமுறை ஆட்சிகளை மாற்றி அமைத்திருக்கிறாா்கள். தீவிரமான முன்னணி கட்சிகள் தங்களது ஆட்சியில் எத்தனை விதமாக மக்கள் பணி செய்திருந்தாலும் மக்களின் நம்பிக்கையை பொறுத்தவரை அவா்களுக்கு மாற்றங்களும் புதிய முகங்களும் தேவைப்படுகின்றன.
எந்தத் தகுதியும் இல்லாமல் தந்தையின் தோள்களில் ஏறி வாரிசுகள் உச்சபட்சமான பதவிகளுக்கு சுலபமாக வந்துவிட முடிகிறது. இந்தியாவின் எல்லா மாநிலங்களும் இன்று வாரிசு அரசியலின் கீழ்தான் நிலைபெறுகின்றன.
மாற்றம் மக்களுக்குத் தேவைப்படுகிறது. அதாவது, வாரிசு அரசியலால் சலிப்பு அடைந்திருக்கும் மக்களுக்கு ஒரு மாற்று அரசியல் தேவைப்படுகிறது. நம்பிக்கையான முகம் ஒன்று தேவைப்படுகிறது. அந்த வகையில் இந்த புதிய கட்சி திராவிடஆட்சிகளின்அதிருப்தியாளா்களை ஒருங்கிணைக்கும் என்கிற முறையிலும்கூட வரவேற்பு பெறக்கூடும்.
மிக நுட்பமான அரசியல் பாா்வையை வைத்து பாா்த்தால் இதற்கான பின்னணிகள் பல இருக்கின்றன. ஒருபுறம் திராவிட அரசியலின் ஏகபோகமும், மறுபுறம் இடதுசாரி- வலதுசாரி கட்சிகளின் கருத்தியல் திணிப்புகளும் மக்களை சோா்வடையச் செய்திருக்கின்றன.
நடிகா் விஜய் இனி திரைப்படங்களில் நடிக்க போவதில்லை என்று சொல்லியிருக்கிறாா். ‘பான் இந்தியா’ திரைப்படங்களும், ‘டான்’, ‘கேங்ஸ்டா்’ படங்களும் என சினிமா உலகம் மாபெரும் அலுப்பாக தொழில்நுட்ப கலைகளை வைத்து ஏமாற்றும் பிம்ப வன்முறையாக மாறிக்கொண்டிருக்கும் வேளையில் மிகச் சரியான முறையில் அதை விட்டு, தான் வெளியே வருவதாக அறிவித்து இருக்கிறாா் விஜய்.
மக்களின் முன்பாக மக்களை போல நிற்க வேண்டும். சினிமா ஒரு தொழில் மட்டும்தான். ஆனால், மக்கள் ஒருவா் மீது வைக்கக்கூடிய நம்பிக்கை மிக மிக முக்கியம். அதற்கான கைம்மாறு என்ன என்கிற கேள்வியோடு சினிமாவை விட்டு வெளியேறி அரசியல் தளத்திற்கு செல்வது என்பது அவா் மனதிற்கு சரியானதாகப்பட்டிருக்கலாம்.
இல்லையெனில் திராவிட பிம்ப அரசியலில் சமீபகாலமாக உருவாக்கி வரும் வாரிசு மற்றும் கதாநாயக அரசியல் முன்னெடுப்பை எதிா்கொள்வதற்காகவும் அவா் சினிமாவை விட்டு வெளியேறி இருக்கலாம்.
தமிழ் சினிமாவைப் பொறுத்தவரை அதன் கதாநாயக அந்தஸ்தில் வளா்ந்தவா்கள் பொதுவெளி அரசியலில் தங்களுக்கு ஏதேனும் இடா் ஏற்படும் போது தங்களுக்குரிய மக்கள் செல்வாக்கை வைத்துக்கொண்டு ஏன் நாமே ஒரு அரசியல் கட்சியைத் தொடங்கக்கூடாது என்று நினைப்பது கடந்த 50 ஆண்டுகளில் தொடா்கதை ஆகிவருகிறது.
இந்தப் பாா்வை நடிகா் விஜய்யின் புதிய கட்சிக்குப் பொருந்துமா என்பது சிந்திக்க வேண்டிது. மற்றபடி ஆளுங்கட்சிக்கு ஆதரவான வாக்குகளைப் பிரிக்கத்தான் விஜய் புதிய கட்சி தொடங்கியுள்ளாா் என்றும், இவா் எப்படி தமிழ்நாட்டிற்கு முதலமைச்சா் ஆக முடியும் என்றும் பல ஊகங்களையும் சந்தேகங்களையும் சிலா் எழுப்புகிறாா்கள். பணம், பதவி, ஆட்சி முறை என்று மாறி வருகிற இன்றைய நவீன சூழலில் இவற்றை எல்லாம் எதிா்கொண்டு விஜய் அரசியலில் முன்னிடத்தைப் பெறுவாரா?
வருகிற நாடாளுமன்றத் தோ்தலில் இவரது பிரசாரம் எப்படி இருக்கும், யாருக்கு ஆதரவாக இருக்கும் என்றெல்லாம் கேள்விகள் தொடா்கின்றன. விவரம் அறிந்தவா்கள், ரஜினியின் ரசிகா் மன்றங்கள் போல் அல்லாமல், விஜய் மன்றங்கள் தமிழ்நாடு எங்கும் பல்வேறு வகையில் வலுவாகக் கட்டமைக்கப்பட்டிருக்கின்றன என்று கூறுகிறாா்கள்.
அரசியலில் நுழையும் நடிகா் விஜய், பலமான அஸ்திவாரங்களை சிறிதளவில் நடுக்கமுறச் செய்யும் அதிா்வுகளை மட்டும் உண்டாக்குவாரா, அல்லது பணபலமும், ஜாதியமும், வாரிசு அரசியலும் கோலோச்சும் தமிழக அரசியலைத் தடம்புரளச் செய்து புதிய வெற்றிப் பாதையை அமைக்கப்போகிறாரா?
பொறுத்திருந்துதான் பாா்க்க வேண்டும்!
கட்டுரையாளா்:
அரசியலாளா்.