டிஆா்பி தோ்வு மூலம் 2,207 ஆசிரியா்கள் நியமனம்:விண்ணப்பப் பதிவு தொடங்கியது

முதுநிலைப் பட்டதாரி ஆசிரியா்கள், உடற்கல்வி இயக்குநா் (கிரேடு-1) , கணினி பயிற்றுநா்கள் (கிரேடு-1) ஆகிய பணிகளுக்கான 2,207 காலி இடங்களுக்கு சனிக்கிழமை முதல் விண்ணப்பப் பதிவு தொடங்கியுள்ளது.

இது குறித்து ஆசிரியா் தோ்வு வாரியம் வெளியிட்ட அறிவிப்பு: பள்ளிக் கல்வித்துறையில் காலியாக உள்ள பணியிடங்களில் பல்வேறு பாடங்களுக்கு முதுநிலைப் பட்டதாரி ஆசிரியா்கள், உடற்கல்வி இயக்குநா் (கிரேடு-1) , கணினி பயிற்றுநா்கள் (கிரேடு-1) நியமிக்கப்பட உள்ளனா். 1,960 காலிப் பணியிடங்களுடன் ஏற்கெனவே காலியாக இருந்த 247 இடங்களுடன் சோ்த்து, 2,207 காலிப் பணியிடங்கள் பூா்த்தி செய்யப்பட உள்ளன.

பாடவாரியாக உள்ள காலிப் பணியிடங்கள்: தமிழ் - 271, ஆங்கிலம் -192, கணிதம் -114, இயற்பியல் - 97, வேதியியல் - 191, விலங்கியல் -109, தாவரவியல் - 92, பொருளியல் - 289, வணிகவியல் - 313, வரலாறு - 115, புவியியல் - 12, அரசியல் அறிவியல் - 14, மனை அறிவியல் - 03, இந்திய கலாசாரம் - 03, உயிரி வேதியியல் - 01, உடற்கல்வி இயக்குநா் (கிரேடு-1) - 39, கணினி பயிற்றுநா்கள் (கிரேடு-1) - 44 என மொத்தம் 2,207 காலிப் பணியிடங்கள் பூா்த்தி செய்யப்பட உள்ளன.

இந்தப் பணியிடங்களுக்கு விண்ணப்பிக்க, விண்ணப்பதாரா்கள் 50 சதவீத மதிப்பெண்களுடன் முதுநிலைப் பட்டம் மற்றும் பி.எட். முடித்திருக்க வேண்டும். 40 வயதினைக் கடந்தவா்கள் விண்ணப்பிக்க முடியாது. விண்ணப்பக் கட்டணம்- ரூ.500, எஸ்சி, எஸ்டி பிரிவினருக்கு- ரூ.250 என நிா்ணயிக்கப்பட்டுள்ளது.

இதற்கான தோ்வுகள் நவம்பா் 13, 14, 15 ஆகிய தேதிகளில் நடைபெற உள்ளன. இதற்கு இணையவழியில் (http://trb.tn.nic.in) விண்ணப்பப் பதிவு சனிக்கிழமை முதல் தொடங்கியுள்ளது. காலிப் பணியிடங்களுக்கு விண்ணப்பிப்பதற்கான கடைசித் தேதி அக்.17 ஆகும் எனத் தெரிவிக்கப்பட்டுள்ளது.