சளி மற்றும் ஆஸ்துமா குறைபாடு நீங்க..

தூதுவளைக் கொழுக்கட்டை

தேவையான பொருட்கள்

தூதுவளை இலை -  ஒரு கைப்பிடி 
பச்சரிசி -  அரை கிலோ 
மிளகு - ஒரு தேக்கரண்டி 
சீரகம் - 2 தேக்கரண்டி 
தேங்காய்த் துருவல் - 50 கிராம் 
வெங்காயம் - 50 கிராம் 
பனை வெல்லம் - 300 கிராம்

செய்முறை : முதலில் தூதுவளைக் கீரையை நன்றாக கழுவி பொடியாக நறுக்கிக் கொள்ளவும். பச்சரிசியை நன்றாக ஊற வைத்து அதனுடன் மிளகு சீரகம் ஆகியவற்றை சேர்த்து மாவாக அரைத்துக் கொள்ளவும். பனை வெல்லத்தை நன்றாக காய்ச்சி வடிகட்டி அதில் அரைத்த மாவை சேர்த்து பிசையவும். தூதுவளை இலை, தேங்காய்த் துருவல் மற்றும் நறுக்கிய வெங்காயம் ஆகியவற்றை மாவுடன் கலந்து பிசைந்து சிறு சிறு உருண்டைகளாக உருட்டி இட்லி தட்டில் வேக வைத்து சாப்பிட்டு வரவும்

பயன்கள் : சளி மற்றும் ஆஸ்துமா குறைபாடு உள்ளவர்களுக்கு சிறந்தது.மேலும் இந்த கொழுக்கட்டையை அடிக்கடி சாப்பிட்டு வந்தால் நமக்கு வரும் நோய்களிலிருந்து  நம்மை   தற்காத்துக் கொள்ளுவதற்கு உதவும் அற்புதமான உணவு. தினமும் இரவு படுக்கப் போகும் முன் வெற்றிலை (2), மிளகு (2), உலர் திராட்சை (5) இவை மூன்றையும் சேர்த்து வாயில் போட்டு மென்று தின்று முழுங்கவும்.

குறிப்பு : அனைத்து காய்களையும், கீரைகளையும் நீராவியில் வேக வைத்து உணவாக சாப்பிட்டு வரவும். பச்சை மிளகாய்க்கு மாற்றாக இஞ்சியையும் வர மிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala15@gmail.com