தக்காளி காய்கறி வகையா? பழ வகையா?

'ராஜரத்தினம்' எனப்படுவது வைரத்திற்கு வழங்கப்பட்டு வரும் சிறப்புப் பெயர் ஆகும்.

Updated On :22 அக்டோபர் 2019, 6:35 am

1850 -ஆம் ஆண்டு வரையில் தக்காளி அமெரிக்காவில் கேள்விப்படாத ஒன்று. பிறகு அது சர்ச்சைக்கும் இடமாகியது. தக்காளி காய்கறி வகையா? பழ வகையா? சண்டை தீரவில்லை. சுப்ரீம் கோர்ட்டுக்கும் வழக்குப் போனது. ஒன்பது நீதிபதிகள் தொடர்ந்து வழக்கை விசாரித்துத் தீர்ப்பு வழங்கினார்கள்.

தீர்ப்பு: தக்காளி சட்டப்படி ஒரு காய்கறி வகையே!

- ஆதினமிளகி, வீரசிகாமணி.

'ராஜரத்தினம்' எனப்படுவது வைரத்திற்கு வழங்கப்பட்டு வரும் சிறப்புப் பெயர் ஆகும். முத்துக்கு வழங்கப்பட்டு வரும் சிறப்புப் பெயர் "ராணி ரத்தினம்' ஆகும்.

இந்தியாவில் ஜெய்ப்பூர் "இளஞ்சிவப்பு நகரம்' என்றும், மைசூர் "தீப நகரம்' என்றும், பெங்களூரு "பூங்கா நகரம்' என்று சிறப்புப் பெயர்களால் அழைக்கப்படுகிறது.

1937-ஆம் ஆண்டு பிரிட்டிஷாரால் நிறுவப்பட்ட CHROME LEATHER என்னும் நிறுவனத்தின் பெயரே பிற்காலத்தில் அப்பகுதிக்கு, "குரோம்பேட்டை' எனப் பெயர் வரக் காரணமாயிற்று.