அன்னிய முதலீடு: கனடா, அமெரிக்காவுக்கு சிதம்பரம் சுற்றுப் பயணம்

இந்தியாவின் பொருளாதார வளர்ச்சியை எடுத்துக் கூறி அன்னிய முதலீடுகளை ஈர்ப்பதற்காக நிதி அமைச்சர் ப.சிதம்பரம் அமெரிக்கா, கனடாவுக்கு சுற்றுப்பயணம் மேற்கொள்கிறார்.

இந்தியாவில் பணவீக்கம் கடுமையாக உயர்ந்து வரும் நிலையில் அன்னிய முதலீடுகளை ஈர்ப்பதற்காக பொருளாதார வளர்ச்சி அடைந்த நாடுகளான ஜெர்மனி, ஜப்பான், ஹாங்காங், சிங்கப்பூர் போன்றவற்றுக்கு பயணம் மேற்கொண்டார்.

அன்னிய முதலீடு செய்வதற்கான வாய்ப்பு நிறைந்த நாடு இந்தியா என எடுத்துக் கூறுவதற்காக நிதி அமைச்சர் சிதம்பரம் பல்வேறு நாடுகளுக்கு பயணம் மேற்கொண்டுள்ளார்.

அதன் ஒரு பகுதியாக வரும் 15-ம் தேதி கனடா நாட்டில் உள்ள டொரண்டோ, ஒட்டவா, பாஸ்டன், நியூயார்க் நகரங்களில் நடைபெறும் கூட்டங்களில் சிதம்பரம் பங்கேற்று இந்தியாவின் பொருளாதார வளர்ச்சி குறித்தும், மிகப்பெரிய திட்டங்களை நிறைவேற்ற அரசு மேற்கொண்டுள்ள நடவடிக்கைகள் குறித்தும் விளக்குகிறார்.

பின்னர் வாஷிங்டனில் உள்ள சர்வதேச செலாவணி நிதியம் மற்றும் உலக வங்கி அதிகாரிகளுடனும் அவர் 19-ம் தேதி பேச்சு நடத்துகிறார்.