ராஜஸ்தானில் வாட்டும் குளிர்: மைனஸில் பதிவான வெப்பநிலை

ராஜஸ்தான் மாநிலத்தில் கடந்த சில நாள்களாக குறைந்திருந்த குளிர் மீண்டும் அதிகரித்துள்ளது. மாநிலத்தின் மலைவாழிடமான மவுண்ட்அபுவில் மைனஸ் ஒரு டிகிரி செல்சியஸ் வெப்பம் பதிவாகியுள்ளது.

வட மாநிலங்களில் வீசி வரும் குளிர் காற்றினால், ராஜஸ்தான் மாநிலத்தில் கடும் குளிர் நிலவி வந்தது. சில நாள்களுக்கு முன்பு குளிர் குறைந்த நிலையில், தற்போது மீண்டும் அதிகரித்து வருகிறது.

மாநிலத்தின் ஒரே மலைவாழிடமான மவுண்ட்அபுவில் குறைந்த வெப்பநிலை உறைநிலைக்கும் கீழே சென்று மைனஸ் ஒரு டிகிரி செல்சியஸாகப் பதிவாகியது. மாநிலத்தின் பெரும்பாலான இடங்களில் குறைந்த வெப்பநிலை ஒரு டிகிரி முதல் நான்கு டிகிரி செல்சியஸ் வரை பதிவாகியுள்ளது.

வடமேற்காக வீசி வரும் குளிர் காற்றினால் மாநிலம் முழுவதும் கடும் குளிர் நிலவுகிறது.

மாநிலத்தில் பதிவான வெப்பநிலை (செல்சியஸில்) வருமாறு:

சிகர் -3, சூரு -3.4, ஸ்ரீகங்காநகர் -3.6, உதய்பூர் -4.4, பிலானி மற்றும் பிக்நேர் -6.8, ஜெய்ப்பூர் -7.