"வடகிழக்குப் பகுதியுடன்ஒன்றுபடுவது வட இந்தியர்களின் கடமை'

வடகிழக்கு மாநிலங்களுடன் ஒன்றுபடுவது வட இந்திய மக்களின் கடமையாகும் என்று மத்திய உள்துறை இணையமைச்சர் கிரண் ரிஜிஜு வலியுறுத்தியுள்ளார்.

அருணாசலப் பிரதேசத்தில் பழங்குடியின மக்களின் கலாசார நிகழ்ச்சி, ஷில்லாங்கில் சனிக்கிழமை நடைபெற்றது. அதில் ரிஜிஜு பேசியதாவது:

தில்லி, இந்தியாவின் தலைநகரமாக இருந்தாலும், அது நாட்டின் தொடக்கப் பகுதி அல்ல. வடகிழக்கு மாநிலங்கள்தான் நாட்டின் காவல் பகுதியாகும்.

இனப் பாகுபாட்டைக் கடுமையாகத் தண்டிக்கும் வகையில் சட்டம் கொண்டு வர மத்திய அரசு திட்டமிட்டுள்ளது. மேலும், அடுத்த கல்வியாண்டு முதல் வடகிழக்கு மாநிலங்கள் பற்றிய பாடங்கள் கல்வித்திட்டத்தில் சேர்க்கப்படும்.

வியக்கத்தக்க இந்தியா என்ற மத்திய அரசின் சுற்றுலா திட்டத்தின் கீழ் வடகிழக்கு மாநிலங்களுக்கு நிதி ஒதுக்கீடு செய்யப்பட்டுள்ளது. என்றார் ரிரண் ரிஜிஜு.