அனந்த்நாக் இடைத்தேர்தல்: காஷ்மீர் முதல்வர் மெகபூபா முஃப்தி வெற்றி

ஜம்மு: காஷ்மீர் மாநிலம் அனந்த்நாக் தொகுதியில் நடைபெற்ற இடைத் தேர்தலில் அம்மாநில முதல்வர் மெகபூபா முஃப்தி வெற்றி பெற்றுள்ளார்.

காங்கிரஸ் வேட்பாளர் ஹிலால் அகமது ஷாவை விட 12 ஆயிரம் வாக்குகள் அதிகம் பெற்று அனந்த்நாக் தொகுதி இடைத் தேர்தலில் முதல்வர் மெகபூபா முஃப்தி வெற்றி பெற்றதாக அறிவிக்கப்பட்டுள்ளது.

அனந்த்நாக் தொகுதி உறுப்பினரும், முதல்வருமாக இருந்தவருமான முஃப்தி முகமது சயீத் உடல் நலக் குறைவு காரணமாக மரணமடைந்ததை அடுத்து, அந்த தொகுதியில் இடைத் தேர்தல் நடத்தப்பட்டது குறிப்பிடத்தக்கது.