நாளை மீராகுமார் சென்னை வருகை: மு.க.ஸ்டாலின்

காங்கிரஸ் சார்பில் குடியரசுத் தலைவர் வேட்பாளராக நிறுத்தப்பட்டுள்ள மீராகுமார் சனிக்கிழமை (ஜூலை 1) சென்னை வருவதாக திமுக செயல்தலைவர் மு.க.ஸ்டாலின் கூறினார்.
திமுக சார்பில் ஈஞ்சம்பாக்கத்தில் உள்ள வையாபுரி குளம் தூர்வாரப்படும் பணியை மு.க.ஸ்டாலின் வியாழக்கிழமை பார்வையிட்டார். பின்னர் செய்தியாளர்களிடம் அவர் கூறியது:
ஏரி, குளங்களைத் திமுகவினர் தூர் வாருவதை அதிமுக தவறாக விமர்சிப்பதைப் பற்றி நாங்கள் கவலைப்படவில்லை. திமுகவின் பணியை மறைக்க வேண்டும் என்பதற்காகவே, அரசு தூர்வாருவது தொடர்பான அறிவிப்பை வெளியிடுகின்றனர். ஆனால், அரசு சார்பில் பணிகள் முழுமையாக நடைபெறவில்லை என்பதே உண்மை.குடியரசுத் தலைவர் தேர்தலில் காங்கிரஸ் சார்பில் நிறுத்தப்பட்டுள்ள மீராகுமார் சனிக்கிழமை (ஜூலை 1) மாலை சென்னை வருவதாக எங்களுக்குச் செய்திகள் வந்திருக்கின்றன. அதன்படி, அவர் வருவார் என்று நாங்கள் எதிர்பார்க்கிறோம்.