கோவா முதல்வர் பாரிக்கர் மருத்துவமனையில் மீண்டும் அனுமதி

கோவா முதல்வர் மனோகர் பாரிக்கர் மருத்துவமனையில் மீண்டும் அனுமதிக்கப்பட்டுள்ளார்.
இதுகுறித்து கோவா முதல்வர் அலுவலக வட்டாரங்கள் கூறுகையில், வடக்கு கோவா மாவட்டம், கண்டோலிமில் உள்ள தனியார் மருத்துவமனையில் பாரிக்கர் அனுமதிக்கப்பட்டுள்ளார்' என்றன.
எதற்காக பாரிக்கர் அனுமதிக்கப்பட்டார் என்பது தொடர்பான விவரங்களை தெரிவிக்கவில்லை.
சட்டப் பேரவை துணைத் தலைவரும், எம்.எல்.ஏ.வுமான மைக்கேல் லோபா கூறுகையில், பாரிக்கரை மருத்துவமனைக்கு சென்று பார்த்தேன். அவர் பூரண உடல்நலத்துடன் உள்ளார்' என்றார்.
அமெரிக்காவில் நிகழாண்டு தொடக்கத்தில் 3 மாதம் பாரிக்கர் சிகிச்சை பெற்றார். பின்னர் மீண்டும் அமெரிக்காவுக்கு சிகிச்சைக்கு சென்றார். இதையடுத்து, நாட்டுக்கு கடந்த வாரம் அவர் திரும்பி வந்தார்.