பத்திரிகையாளர்களுக்கு இனிப்புக் கொடுத்து மகிழ்ந்தார் பர்த்டே பேபி ராகுல்! விடியோ

புது தில்லி: காங்கிரஸ் கட்சித் தலைவர் ராகுல் காந்திக்கு இன்று பிறந்தநாள். மக்களவைத் தேர்தல் தோல்வியின் எதிரொலி காரணமாக, ராகுல் தனது பிறந்தநாளை அவ்வளவு பெரிதாகக் கொண்டாட வாய்ப்பில்லை என்றே கருதப்படுகிறது.

1970ம் ஆண்டு பிறந்த காங்கிரஸ் கட்சித் தலைவர் ராகுலுக்கு இன்று பிறந்தநாள் என்பதால் கட்சித் தலைவர்கள் மற்றும் கட்சித் தொண்டர்களின் வாழ்த்துகளைப் பெற புது தில்லியில் உள்ள காங்கிரஸ் கட்சி அலுவலகத்துக்கு வந்திருந்தார் ராகுல். 

அங்கு அவரைச் சந்திக்கக் காத்திருந்த பத்திரிகையாளர்களுக்கு இனிப்புக் கொடுத்து ராகுல் காந்தி மகிழ்ந்தார். பத்திரிகையாளர்களும் பிறந்தநாள் வாழ்த்துகளை ராகுலுக்கு தெரிவித்துக் கொண்டனர்.

முன்னதாக, பிரதமர் நரேந்திர மோடி, காங்கிரஸ் தலைவர் ராகுலுக்கு டிவிட்டர் மூலம் பிறந்தநாள் வாழ்த்துகளைத் தெரிவித்துள்ளார்.