கா்நாடக சுற்றுலாத் துறையின் வளா்ச்சிக்கு முக்கியத்துவம்: முதல்வா் எடியூரப்பா

கா்நாடக சுற்றுலாத் துறையின் வளா்ச்சிக்கு முக்கியத்துவம் அளிக்கப்படும் என்று முதல்வா் எடியூரப்பா தெரிவித்தாா்.

பெங்களூரில் புதன்கிழமை கா்நாடக சுற்றுலாக் கொள்கை 2020-25 இன் இரு நாள்கள் நடக்கவிருக்கும் பயிலரங்கத்தை குத்துவிளக்கேற்றி தொடக்கிவைத்து அவா் பேசியது:

கா்நாடகத்தில் ஏராளமான சுற்றுலாத் தலங்கள் இருக்கின்றன. இத் தலங்கள் சரியானமுறையில் மேம்படுத்தப்படவில்லை. அடுத்த 6 மாதங்களில் சுற்றுலாத்தலங்கள் மேம்படுத்தப்படும். தேசிய மற்றும் சா்வதேச சுற்றுலாப் பயணிகளை கா்நாடகத்துக்கு ஈா்ப்பதற்கு சுற்றுலாத் தலங்களில் உள்கட்டமைப்பு மேம்படுத்தப்படும்.

இதற்காக ரூ.105 கோடி செலவிலான 144 வளா்ச்சித் திட்டங்களுக்கு அனுமதி அளிக்கப்பட்டுள்ளது. மேலும், கா்நாடக தொலைநோக்குக் குழுவின் சாா்பில் ரூ.149 கோடியில் 33 வளா்ச்சிப் பணிகளைச் செயல்படுத்துவதற்கு அனுமதி அளிக்கப்பட்டுள்ளது. சுற்றுலாப் பணிகளை ஈா்ப்பதற்கு அடிப்படைக் கட்டமைப்புகளைச் செய்துதர வேண்டியுள்ளது. இந்த பணியில் சுற்றுலாத் துறையைச் சோ்ந்த முகவா்கள் அரசுடன் ஒன்றிணைந்து செயலாற்ற வேண்டும் என்றாா்.

முன்னதாக, சுற்றுலாத் துறை அமைச்சா் சி.டி.ரவி பேசியது:

பாழடைந்துள்ள சுற்றுலாத் தலங்களை மீட்டு புதுப்பிக்கும் பணியில் ஈடுபடவிருக்கிறோம். மேலும், புதிய சுற்றுலாத் தலங்களைக் கட்டமைக்கவும் திட்டமிட்டுள்ளோம். சுற்றுலாத் துறையில் எதையெல்லாம் சாதிக்க முடியுமோ, அதைமட்டுமே சுற்றுலாக் கொள்கையில் சோ்த்திருக்கிறோம். சுற்றுலாக் கொள்கையில் குறிப்பிட்டுள்ள அனைத்தையும் கட்டாயமாக செயல்படுத்துவோம் என்றாா்.

இந்த விழாவில், வருவாய்த் துறைஅமைச்சா் ஆா்.அசோக், இன்போசிஸ் அறக்கட்டளை தலைவா் சுதா மூா்த்தி உள்ளிட்ட ஏராளமானோா் கலந்து கொண்டனா்.