மும்பையில் 11 சிஐஎஸ்எஃப் வீரர்களுக்கு கரோனா தொற்று

மும்பை விமான நிலையத்தில் பணியில் ஈடுபட்டிருந்த 11 சி.ஐ.எஸ்.எஃப் வீரர்களுக்கு கரோனா பாதிப்பு உறுதியாகியுள்ளது.

கரோனா நோய்த்தொற்று பரவலைத் தடுக்கும் பொருட்டு, கடந்த மாதம் 25-ஆம் தேதி முதல் 21 நாள் தேசிய ஊரடங்கை மத்திய அரசு அமல்படுத்தியது. எனினும், இந்தியாவில் கரோனாவின் பாதிப்பு நாளுக்கு நாள் அதிகரித்து வருகிறது. 

இங்கு இதுவரை கரோனாவால் பாதிக்கப்பட்டவா்கள் எண்ணிக்கை 2301 ஆக உயர்ந்துள்ளது. இதில் 156 போ் குணமாகிவிட்டனா்; ஒருவா் குணமாகி வெளிநாடு சென்றுவிட்டாா். பலியானவா்கள் எண்ணிக்கை 56 ஆக உள்ளது. 

இந்த நிலையில் மும்பை விமான நிலையத்தில் பணியில் ஈடுபட்டிருந்த 11 சி.ஐ.எஸ்.எஃப் வீரர்களுக்கு கரோனா பாதிப்பு உறுதியாகியுள்ளது. நேற்று 4 பேருக்கும், இன்று 7 பேருக்கும் கரோனா உறுதி செய்யப்பட்டிருப்பதாக சி.ஐ.எஸ்.எஃப் அறிவித்துள்ளது.