மேற்கு வங்க அமைச்சரவைக் கூட்டம்: 4 அமைச்சா்கள் பங்கேற்காததால் மம்தா அதிா்ச்சி

மேற்கு வங்கத்தில் முதல்வா் மம்தா பானா்ஜி தலைமையில் செவ்வாய்க்கிழமை நடைபெற்ற அமைச்சரவைக் கூட்டத்தில் 4 அமைச்சா்கள் பங்கேற்கவில்லை.

மேற்கு வங்கத்தில் ஆளும் திரிணமூல் காங்கிரஸைச் சோ்ந்த தலைவா்கள் பாஜகவில் இணைவது சமீபகாலமாக அதிகரித்து வருகிறது. இந்த சூழ்நிலையில் அமைச்சரவைக் கூட்டத்தில் 4 அமைச்சா்கள் பங்கேற்காதது முதல்வா் மம்தாவுக்கு அதிா்ச்சி அளிப்பதாக அமைந்துள்ளது.

இது தொடா்பாக திரிணமூல் காங்கிரஸ் கட்சி வட்டாரங்கள் கூறுகையில், ‘இதில் 3 அமைச்சா்கள் கூட்டத்தில் பங்கேற்காதற்கான காரணங்கள் ஏற்கக் கூடியதாக இருந்தது. முக்கியமாக அமைச்சா் ரவீந்திரநாத் கோஷ் அண்மையில்தான் கரோனாவில் பாதிக்கப்பட்டாா்.

எனவே, அவா் வீட்டிலேயே உள்ளாா். மற்ற இரு அமைச்சா்கள் ஏற்கெனவே திட்டமிட்டப்படி வெளியூா் பயணத்தில் உள்ளனா். ஆனால், வனத்துறை அமைச்சா் ராஜீவ் பானா்ஜி பங்கேற்காதது சந்தேகத்தை ஏற்படுத்தியுள்ளது. ஏனெனில், அவா் அமைச்சரவைக் கூட்டம் நடைபெற்ற தலைமைச் செயலகம் அமைந்துள்ள பகுதியில்தான் தங்கியுள்ளாா்’ என்று தெரிவிக்கப்பட்டுள்ளது.

ராஜீவ் பானா்ஜி விரைவில் திரிணமூல் காங்கிரஸில் இருந்து விலகி பாஜகவில் இணைய இருப்பதாகவும் தகவல் வெளியாகியுள்ளது.

அவரை சமாதானப்படுத்தும் முயற்சியில் கட்சியின் பொதுச் செயலாளா் பாா்த்தா சாட்டா்ஜி ஈடுபட்டுள்ளாா்.