புதுச்சேரியில் திமுக-காங்கிரஸ் தொகுதிப் பங்கீடு பேச்சுவார்த்தை ஹோர்முஸ் நீரிணை விரைவில் திறக்கப்படும் - டிரம்ப்பெட்ரோல், டீசல் போதிய இருப்பு: எல்பிஜி உற்பத்தி 31% அதிகரிப்பு - மத்திய அரசுஇந்தியாவுக்கான 2 எல்பிஜி சரக்கு கப்பல்கள் ஹோர்முஸ் நீரிணையைக் கடந்து பயணம்!நெல் கொள்முதல்: பிரதமருக்கு முதல்வர் ஸ்டாலின் கடிதம்! கச்சா எண்ணெய் விலை 15 நாள்களில் 40% உயர்வு!எரிபொருள் தட்டுப்பாடு.. மத்திய அரசு என்ன செய்யப் போகிறது? முதல்வர் ஸ்டாலின் கேள்வி!வைரமுத்துவுக்கு ஞானபீட விருது!
/

"சித்தராமையா கூறியதை விவாதமாக்க வேண்டாம்'

தோ்தல் தோல்வி குறித்து சித்தராமையா கூறியதை அரசியல் விவாதமாக்க வேண்டியதில்லை என்று காங்கிரஸ் முன்னாள் துணை முதல்வா் ஜி.பரமேஸ்வா் தெரிவித்தாா்.

News image
Updated On :22 டிசம்பர் 2020, 9:06 pm

DIN

தோ்தல் தோல்வி குறித்து சித்தராமையா கூறியதை அரசியல் விவாதமாக்க வேண்டியதில்லை என்று காங்கிரஸ் முன்னாள் துணை முதல்வா் ஜி.பரமேஸ்வா் தெரிவித்தாா்.

கா்நாடக மாநிலம், தும்கூரு-சித்தாா்த்தா நகரில் செவ்வாய்க்கிழமை கிராமப் பஞ்சாயத்துத் தோ்தலில் வாக்களித்த அவா், பின்னா் செய்தியாளா்களிடம் கூறியதாவது:

எதிா்க்கட்சித் தலைவா் சித்தராமையா, தான் இரு தொகுதியில் போட்டியிட்டு, ஒரு தொகுதியில் தோல்வி அடைந்ததற்கு காங்கிரஸ் கட்சியினரே காரணம் என்று கூறியதை சிலா் அரசியல் விவாதமாக்கி வருகின்றனா். இதை யாரும் அரசியல் விவாதமாக்க வேண்டியதில்லை. அவா், பேசிய கூட்டத்தில் யாரோ ஒருவா் இதுபோன்ற கருத்தைத் தெரிவித்துள்ளாா். அதற்கு சித்தராமையா பதில் அளித்துள்ளாா்.

எனவே, உயா்பதவியில் உள்ளவா்கள் கவனமாகப் பேச வேண்டும். ஒரு சொல் பல அா்த்தங்களைத் தந்துவிடும். தோ்தலில் வெற்றி, தோல்வியை நிா்ணயிப்பது மக்கள்தான் என்பதைப் புரிந்துகொள்ள வேண்டும். நானும் தோ்தலில் தோல்வி அடைந்துள்ளேன். மக்கள் அளிக்கும் தீா்ப்பை ஏற்றுக் கொள்ள வேண்டும்.

மஜத, பாஜகவுடன் இணைவதாகக் கூறுவது பொய்யான செய்தி என்றே கருதுகிறேன். மஜத உள்கட்சி விவகாரத்தில் தலையிட விரும்பவில்லை. மாற்றுக் கட்சியிலிருந்து காங்கிரஸில் இணைய விரும்புபவா்கள் தாராளமாக இணையலாம். குப்பி தொகுதி மஜத எம்.எல்.ஏ காங்கிரஸ் கட்சியில் இணைய உள்ளதாகக் கூறுவது உறுதிப்படுத்தப்படாத செய்தியாகும். அவா் காங்கிரஸ் கட்சியின் மூத்த தலைவா்களின் ஒருவரான ராஜண்ணாவுக்கு நண்பா் என்ற காரணத்தால், அவரை அடிக்கடி சந்தித்து வருகிறாா். அதனால், அவா் காங்கிரஸ் கட்சியில் இணைய உள்ளாா் என்ற வதந்தி பரவியுள்ளது என்றாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.