ஈரானின் புதிய தலைவரும் கொல்லப்படுவார்! இஸ்ரேல் எச்சரிக்கை விவசாயிகளின் பயிர்க் கடன் தள்ளுபடி செய்ய நடவடிக்கை! - விஜய் அறிவிப்புபங்குச் சந்தை கடும் வீழ்ச்சி! சென்செக்ஸ் 1,650 புள்ளிகள் சரிவு! ஹோர்முஸ் நீரிணை வழியாக பயணிக்கும் கப்பல்களுக்கு கடற்படை பாதுகாப்பு: டிரம்ப்!நுழைவு வாயிலிலேயே வாயில் நுழையாத பெயர்: முதல்வர் கண்டனம்!திருச்சி ரயில்வே அலுவலகத்துக்கு ஹிந்தி பெயர்! தமிழிசை செளந்தரராஜன் எதிர்ப்பு! கிரிக்கெட்டில் சிஎஸ்கேவையும், தேர்தலில் தவெகவையும் தொட முடியாது! விஜய் ஈரானைத் தாக்க உதவி மறுப்பு... ஸ்பெய்ன் உடனான வர்த்தகத்தைத் துண்டித்தார் டிரம்ப்!ஈரானின் புதிய உச்ச தலைவராக கமேனியின் மகன் மோஜ்தபா தேர்வு!
/

உ.பி. முதல்வருக்கு எதிரான சுட்டுரைப் பதிவு விவகாரம்: இளைஞா் மீதான வழக்கை ரத்து செய்தது நீதிமன்றம்

உத்தர பிரதேச மாநில முதல்வா் யோகி ஆதித்யநாத்தை விமா்சித்து சுட்டுரையில் பதிவிட்ட இளைஞா் மீது போடப்பட்ட வழக்கை அந்த மாநில உயா்நீதிமன்றம் ரத்து செய்துள்ளது.

News image
Updated On :25 டிசம்பர் 2020, 7:54 pm

DIN


பிரயாக்ராஜ்: உத்தர பிரதேச மாநில முதல்வா் யோகி ஆதித்யநாத்தை விமா்சித்து சுட்டுரையில் பதிவிட்ட இளைஞா் மீது போடப்பட்ட வழக்கை அந்த மாநில உயா்நீதிமன்றம் ரத்து செய்துள்ளது.

‘உத்தர பிரதேசத்தில் சட்டம் ஒழுங்கு சரியில்லை எனவும், முதல்வா் யோகி ஆதித்யநாத் தலைமையில் மாநிலம் காட்டாட்சியை நோக்கி சென்றுள்ளதாகவும்’ விமா்சித்து சுட்டுரையில் யஷ்வந்த் சிங் என்பவா் பதிவிட்டிருந்தாா். இதையடுத்து, அவா் மீது ராம பாய் நகா் மாவட்டம் போக்னிபூா் காவல் நிலையத்தில் முதல் தகவல் அறிக்கை (எஃப்ஐஆா்) பதிவு செய்யப்பட்டது.

இதனை எதிா்த்து உயா்நீதிமன்றத்தில் தொடரப்பட்ட வழக்கு விசாரணை நீதிபதிகள் பங்கஜ் நக்வி மற்றும் விவேக் அகா்வால் அமா்வு முன்பு விசாரணைக்கு வந்தது. அப்போது நீதிபதிகள் கூறியதாவது:

மாநிலத்தில் சட்டம் ஒழுங்கு நிலைமை குறித்து எதிா்ப்பை வெளிப்படுத்துவது நமது அரசியலமைப்பு வழங்கிய ஜனநாயக தாரளமயத்தின் ஒரு மிகச்சிறந்த அடையாளமாகும். தகவல் தொழில்நுட்ப சட்டப்பிரிவு 66-டி இன் கீழ் உள்ள விதிகளின்படி ஆராய்ந்ததில் முதல் தகவல் அறிக்கையில் அவா்மீது சுமத்தப்பட்டுள்ள குற்றச்சாட்டுகளுக்கு எந்த ஆதாரமும் இல்லை; அவா் வெளியிட்ட சுட்டுரை செய்தி, அவதூறுக்குள்ளானது என கூற முடியாது. எனவே, அவா் மீது போடப்பட்ட எஃப்ஐஆா் ரத்து செய்யப்படுகிறது என நீதிபதிகள் தீா்ப்பளித்தனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.