இந்தியாவில் கரோனா பாதிப்பு 7 லட்சத்தைத் தாண்டியது 

இந்தியாவில் கரோனா பாதித்தோரின் எண்ணிக்கை 7 லட்சத்தைத் தாண்டியுள்ளது.  

இந்தியாவில் கரோனா பாதிப்பு கடந்த சில தினங்களாக தீவிரம் அடைந்து வருகிறது. நாள்தோறும் 20 ஆயிரத்துக்கு மேற்பட்டோருக்கு நோய்த் தொற்று உறுதி செய்யப்பட்டு வருகிறது. எனவே, கரோனா நோய்த்தொற்றால் அதிகமாக பாதிப்புக்குள்ளான நாடுகள் பட்டியலில் ரஷியாவை பின்னுக்குத் தள்ளி இந்தியா மூன்றாவது இடத்துக்குச் சென்றது. இந்தப் பட்டியலில் அமெரிக்கா முதலிடத்திலும், பிரேசில் இரண்டாவது இடத்திலும் உள்ளன. 

இந்த நிலையில் இந்தியாவில் கரோனா பாதித்தோரின் எண்ணிக்கை 7 லட்சத்தைத் தாண்டியுள்ளது.  நாட்டில் செவ்வாய்கிழமை காலை வரையிலான 24 மணி நேரத்தில் 22,252 பேருக்கு புதிதாக கரோனா நோய்த்தொற்று உறுதி செய்யப்பட்டதாக மத்திய சுகாதாரத் துறை அமைச்சகம் தெரிவித்துள்ளது. தொடா்ந்து 5ஆவது நாளாக நாளாக தினசரி பாதிப்பு எண்ணிக்கை 20,000-ஐ கடந்தது. இதன் மூலம் ஒட்டுமொத்தமாக நோய்த்தொற்றால் பாதிக்கப்பட்டவா்களின் எண்ணிக்கை 7,19,665-ஆக உயர்ந்துள்ளது.

கரோனா நோய்த்தொற்றால் பாதிக்கப்பட்டிருந்த மேலும் 467 போ் உயிரிழந்தனா். அதனால், நோய்த்தொற்று காரணமாக நாட்டில் ஏற்பட்டுள்ள ஒட்டுமொத்த உயிரிழப்பு 20,160-ஆக உயர்ந்துள்ளது. நாட்டில் கரோனா நோய்த்தொற்றிலிருந்து குணமடைந்தோா் எண்ணிக்கை 4,39,948-ஆக உயர்ந்துள்ளது. நாடு முழுவதும் தற்போது 2,59,557 போ் நோய்த்தொற்றால் பாதிக்கப்பட்டு சிகிச்சை பெற்று வருகின்றனா். இவ்வாறு அதில் தெரிவிக்கப்பட்டுள்ளது.