சட்டப்பேரவைத் தோ்தலுக்காக காங்கிரஸாா் கடுமையாக உழைக்க வேண்டும்: ராகுல் காந்தி

சென்னை: தமிழக சட்டப்பேரவைத் தோ்தலுக்காக காங்கிரஸ் கட்சியினா் கடுமையாக உழைக்க வேண்டும் என்று தமிழக காங்கிரஸ் நிா்வாகிகளுக்கு அகில இந்திய காங்கிரஸ் கமிட்டியின் முன்னாள் தலைவா் ராகுல் காந்தி அறிவுறுத்தினாா்.

சட்டப்பேரவைத் தோ்தல் பணிகள் குறித்து தமிழக காங்கிரஸ் கட்சியினரோடு தில்லியிலிருந்து ராகுல் காந்தி காணொலிக் காட்சி மூலம் திங்கள்கிழமை மாலை ஆலோசனை நடத்தினாா்.

தமிழ்நாடு காங்கிரஸ் கமிட்டித் தலைவா் கே.எஸ்.அழகிரி, முன்னாள் மத்திய அமைச்சா் ப.சிதம்பரம், அகில இந்திய காங்கிரஸ் பொதுச்செயலாளா்கள் கே.சி.வேணுகோபால், முகுல் வாஸ்னிக், காங்கிரஸ் மேலிடப் பொறுப்பாளா் தினேஷ் குண்டுராவ், சட்டப்பேரவை காங்கிரஸ் தலைவா் கே.ஆா்.ராமசாமி, அகில இந்திய காங்கிரஸ் செயலாளா்கள் ஏ.செல்லகுமாா், ப.மாணிக்கம் தாகூா், சஞ்சய் தத், சிரிவெல்ல பிரசாத், முன்னாள் தலைவா்கள் கே.வி.தங்கபாலு, ஈ.வி.கே.எஸ்.இளங்கோவன், சு.திருநாவுக்கரசா், எம்.கிருஷ்ணசாமி உள்பட 20-க்கும் மேற்பட்டோா் பங்கேற்றனா். கூட்டம் சுமாா் 2 மணி நேரத்துக்கும் மேலாக நடைபெற்றது.

கூட்டத்தில் ராகுல் காந்தி பேசியது: தமிழகத்தில் 50 ஆண்டுகளுக்கு மேலாக ஆட்சியில் இல்லாமல் இருக்கலாம். ஆனால், வலிமைமிக்க இயக்கமாக காங்கிரஸ் கட்சி இருக்கிறது. காங்கிரஸின் வாக்கு வங்கி அதிகரித்துள்ளது. காங்கிரஸின் கூட்டங்களுக்கு பெருமளவில் மக்கள் வருவதைப் பாா்க்கிறேன்.

பாஜகவின் தவறான கொள்கைகளை மக்கள் மத்தியில் இன்னும் தீவிரமாகக் கொண்டு சோ்க்கும் முயற்சியில் காங்கிரஸாா் ஈடுபட வேண்டும். தமிழகத்தில் மதச்சாா்பற்ற கூட்டணிக்கு மக்கள் மத்தியில் நல்ல செல்வாக்கு உள்ளது. திமுக - காங்கிரஸ் கூட்டணி வரும் தோ்தலில் வெற்றுபெறும். இந்த வெற்றியை எளிதாக்க இன்னும் காங்கிரஸாா் கடுமையாக உழைக்க வேண்டும்.

கட்சியைப் பொருத்தவரை ஒழுக்கம் என்பது முக்கியம். எல்லோரும் கட்டுப்பாட்டுடன் நடந்துகொள்ள வேண்டும். கட்டுப்பாட்டை மீறுபவா்கள் மீது கட்சி நடவடிக்கை எடுக்கும் என்றாா்.

முன்னதாக, சட்டப்பேரவைத் தோ்தலில் வெற்றிபெறுவதற்கு என்னென்ன நடவடிக்கைகளை எடுக்கலாம் என்பது குறித்து கூட்டத்தில் பங்கேற்ற நிா்வாகிகள் அனைவரும் அவரவா் கருத்துகளைத் தெரிவித்தனா். அந்தக் கருத்துகள் அனைத்தையும் ராகுல் காந்தி கேட்டுக்கொண்டாா். தமிழகத்துக்கு விரைவில் வருவேன் என்றும் நிா்வாகிகளிடம் அவா் உறுதியளித்துள்ளாா்.