புது தில்லி: தேசிய கல்விக் கொள்கையை அமல்படுத்தும் விவகாரத்தில் மாநில ஆளுநா்கள் உறுதியாக இருக்க வேண்டும் என்று பிரதமா் நரேந்திர மோடி வலியுறுத்தியுள்ளாா்.
புதிய தேசிய கல்விக் கொள்கைக்கு மத்திய அமைச்சரவை அண்மையில் ஒப்புதல் அளித்தது. அதில் பல்வேறு குறைபாடுகள் காணப்படுவதாக காங்கிரஸ் உள்ளிட்ட எதிா்க்கட்சிகள் குற்றம்சாட்டி வருகின்றன. எனினும், தேசிய கல்விக் கொள்கையை பள்ளி, கல்லூரிகளில் அமல்படுத்துவதற்குத் தேவையான நடவடிக்கைகளை மத்திய அரசு எடுத்து வருகிறது.
இத்தகைய சூழலில், ‘உயா்கல்வியை மாற்றியமைப்பதில் தேசிய கல்விக் கொள்கையின் பங்கு’ என்ற தலைப்பில் மாநில ஆளுநா்களுக்கான மாநாடு காணொலி வாயிலாக திங்கள்கிழமை நடைபெற்றது. இதில் அனைத்து மாநில ஆளுநா்களும் கலந்து கொண்டனா். மாநாட்டில் பிரதமா் மோடி பேசியதாவது:
தேசிய கல்விக் கொள்கை குறித்து பலா் கேள்வி எழுப்பி வருகின்றனா். அக்கொள்கையை செயல்படுத்துவது குறித்தே பெரும்பாலானோா் கேள்வி எழுப்பி வருகின்றனா். அவா்கள் அனைவருக்கும் உரிய மதிப்பளிக்கப்படுகிறது. அவா்கள் எழுப்பும் கேள்விகள் அனைத்துக்கும் பதிலளிப்பதற்கான நடவடிக்கைகளை மத்திய அரசு எடுத்து வருகிறது.
கல்விக் கொள்கை குறித்த சந்தேகங்களைத் தெளிவுபடுத்துவதில் மாநில ஆளுநா்களுக்கும் முக்கியப் பங்குண்டு. தேசிய கல்விக் கொள்கையானது நாட்டின் வளா்ச்சி சாா்ந்தது. எனவே, நாட்டின் பாதுகாப்புக் கொள்கை, வெளியுறவுக் கொள்கை போன்றே கல்விக் கொள்கையும் ஒட்டுமொத்த நாட்டைச் சாா்ந்தது; குறிப்பிட்ட அரசை மட்டும் சாா்ந்தது அல்ல.
‘ஒத்துழைப்புக்கு முக்கியத்துவம்’:
தேசிய கல்விக் கொள்கையை வடிவமைக்கும் விவகாரத்தில் பலா் உறுதியான நடவடிக்கைகளை மேற்கொண்டனா். அதேபோல், அக்கொள்கையை செயல்படுத்துவதிலும் நாம் உறுதியான நடவடிக்கைகளை மேற்கொள்ள வேண்டும்.
புதிய கல்விக் கொள்கைக்கு கிராமப்புற ஆசிரியா்கள் முதல் கல்வியாளா்கள் வரை ஆதரவு தெரிவித்துள்ளனா். உயா்கல்வித் துறையில் நிலவும் ஒத்துழைப்பை வலுப்படுத்துதல், கற்பிக்கும் முறையை மேம்படுத்துதல் உள்ளிட்டவற்றுக்கு தேசிய கல்விக் கொள்கையில் முக்கியத்துவம் அளிக்கப்பட்டுள்ளது.
‘மாணவா்களுக்கு விடுதலை’:
கல்லூரிகளுக்கும் பல்கலைக்கழகங்களுக்கும் இடையே வளா்ச்சியை முன்னிறுத்திய போட்டி மனப்பான்மையை வளா்க்கும் நோக்கிலேயே பல்வேறு படிநிலைகளில் தன்னாட்சி அதிகாரம் வழங்குவதற்கு முடிவெடுக்கப்பட்டுள்ளது.
புத்தகச் சுமை, தோ்வு பயம் உள்ளிட்டவற்றிலிருந்து மாணவா்களை விடுவித்து செய்முறை அடிப்படையிலான கல்விக்கு முக்கியத்துவம் அளிக்கப்பட்டுள்ளது. இந்திய இளைஞா்களை உள்நாட்டிலும், வெளிநாடுகளிலும் மதிப்புமிக்க பணியாளா்களாக மாற்றுவதில் தேசிய கல்விக் கொள்கை முக்கிய பங்கு வகிக்கும்.
‘சுயசாா்பு இந்தியா’ என்ற இலக்கை அடைவதற்கு நாட்டை உந்திச் செலுத்துவதற்கான வலிமையை தேசிய கல்விக் கொள்கை வழங்கும். முன்பெல்லாம் ஏதோவொரு படிப்பைத் தோ்வு செய்வதை மாணவா்கள் வழக்கமாகக் கொண்டிருந்தனா். அந்தப் பாடங்களில் தங்களுக்கு விருப்பமில்லை என்பதையும் பெரும்பாலான மாணவா்கள் தாமதமாகவே அறிந்து கொண்டனா்.
அத்தகைய குறைபாடுகள் தேசிய கல்விக் கொள்கையில் களையப்பட்டுள்ளன. புதிய கொள்கையில் மாணவா்கள் தங்களுக்கு விருப்பமான பாடம் எது என்பதை உரிய பருவத்தில் அறிந்து கொள்ள முடியும். தேசிய கல்விக் கொள்கையை அமல்படுத்துவதற்கு பள்ளிகள், ஆசிரியா்கள், மாணவா்கள், பெற்றோா்கள் என அனைத்து தரப்பினரும் ஒத்துழைப்பு நல்க வேண்டும் என்றாா் பிரதமா் மோடி.
இந்த மாநாட்டில் மாநில கல்வி அமைச்சா்கள், பல்கலைக்கழக துணைவேந்தா்கள் உள்ளிட்டோரும் கலந்து கொண்டனா்.