தோ்தல் பிரசாரத்தை தொடங்கினாா் நிதீஷ்

பாட்னா: பிகாா் சட்டப்பேரவைத் தோ்தலுக்கான பிரசாரத்தை முதல்வா் நிதீஷ் குமாா் திங்கள்கிழமை தொடங்கினாா்.

கடந்த 15 ஆண்டுகளில் தனது அரசு செய்த வளா்ச்சிப் பணிகளை பட்டியலிட்ட அவா், தனது கட்சி அங்கம் வகிக்கும் தேசிய ஜனநாயகக் கூட்டணியின் ஆட்சிக் காலத்துக்கும், முன்னாள் மத்திய அமைச்சா் லாலு பிரசாதின் ராஷ்ட்ரீய ஜனதா தளத்தின் ஆட்சி காலத்துக்கும் உள்ள வித்தியாசம் குறித்து மக்களுக்கு தொண்டா்கள் எடுத்துரைக்க வேண்டும் என கேட்டுகொண்டாா்.

இணையவழியாக நிதீஷ் குமாா் தொடங்கிய பிரசாரம் முகநூல், சுட்டுரை என பல்வேறு சமூக ஊடகங்களில் நேரடி ஒளிபரப்பு செய்யப்பட்டது. அவா் ஆற்றிய உரையின் விவரம்:

கடந்த 15 ஆண்டுகால தேசிய ஜனநாயகக் கூட்டணி ஆட்சிக் காலத்தில் பிகாரில் சட்டம் ஒழுங்கு, கல்வி, சுகாதாரம், சாலை வசதி மேம்பட்டுள்ளன. மின்சாரம், வேளாண்துறை உள்ளிட்டவை குறிப்பிடத்தக்க அளவுக்கு வளா்ச்சி பெற்றுள்ளன. பிகாரில் ஐக்கிய ஜனதா தளம் கட்சி அங்கம் வகிக்கும் தேசிய ஜனநாயக கூட்டணி ஆட்சிப் பொறுப்பில் இருக்கும் வரை மதுவிலக்கு தொடரும்.

மத்திய அரசின் 2018-ஆம் ஆண்டு புள்ளி விவரங்களை ஒப்பிடுகையில், பிற மாநிலங்களை விட பிகாரில் சட்ட ஒழுங்கு சிறப்பாக உள்ளது. ஒட்டுமொத்த குற்றச்செயல்களில் 23-ஆவது இடத்திலும், பாலியல் வன்கொடுமை வழக்குகளில் 33-ஆவது இடத்திலும், பெண்களுக்கு எதிராக குற்றங்களில் 29-ஆவது இடத்திலும் பிகாா் மாநிலம் உள்ளது என்றாா்.

மேலும், லாலு பிரசாதின் மூத்த மகன் தேஜ் பிரதாப்பின் மனைவி ஐஸ்வா்யா ராய் விவாகரத்து கேட்டு நீதிமன்றத்தை நாடியுள்ளதை சுட்டிக்காட்டி பேசிய முதல்வா் நிதீஷ் குமாா், படித்த பெண்ணுக்கே லாலு பிரசாத் குடும்பத்தில் இந்த அளவுக்கு பிரச்னை அளிக்கப்பட்டுள்ளது என்றாா்.