கரோனா தொற்று: பிற மாநிலங்கள் நிலவரம்

கரோனா வைரஸ் நோய்த் தொற்றால் பாதிப்புக்குள்ளானோர் மற்றும் பலியானோர் பற்றிய சமீபத்திய தகவல்களை பல்வேறு மாநிலங்கள் வெளியிட்டுள்ளன.

தில்லி:

கடந்த 24 மணி நேரத்தில் புதிதாக 427 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது. இதைத் தொடர்ந்து மொத்தம் பாதித்தோரின் எண்ணிக்கை 4,549 ஆக உயர்ந்துள்ளது. இதுவரை 64 பேர் பலியாகியுள்ளனர்.

தெலங்கானா:

இன்று புதிதாக 21 பேருக்கு நோய்த் தொற்று இருப்பது உறுதி செய்யப்பட்டுள்ளது. மாநிலத்தில் மொத்தம் பாதித்தோரின் எண்ணிக்கை 508 ஆக உள்ளது. 29 பேர் பலியாகியுள்ளனர். இதுவரை 545 பேர் குணமடைந்துள்ளனர்.

பிகார்:

பிகாரில் இன்று 13 பேருக்கு நோய்த் தொற்று உறுதி செய்யப்பட்டுள்ளது. மாநிலத்தில் மொத்தம் 516 பேர் பாதிக்கப்பட்டுள்ளனர்.

மகாராஷ்டிரம்:

மகாராஷ்டிரத்தில் இன்று புதிதாக 678 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது. 27 பேர் பலியாகியுள்ளனர். இதைத் தொடர்ந்து மாநிலத்தில் மொத்தம் பாதித்தோரின் எண்ணிக்கை 12,974 ஆக உயர்ந்துள்ளது. மொத்தம் 548 பேர் பலியாகியுள்ளனர்.

ராஜஸ்தான்:

ராஜஸ்தானில் புதிதாக 114 பேருக்கு கரோனா தொற்று இருப்பது உறுதி செய்யப்பட்டுள்ளது. 3 பேர் பலியாகியுள்ளனர். இதைத் தொடர்ந்து மாநிலத்தில் மொத்தம் பாதித்தோரின் எண்ணிக்கை 2,886 ஆகவும், மொத்தம் பலியானோரின் எண்ணிக்கை 71 ஆகவும் உள்ளது. 

ஜார்கண்ட்:

ஜார்கண்ட் மாநிலத்தில் இரவு 8 மணி வரை புதிதாக யாருக்கும் நோய்த் தொற்று உறுதி செய்யப்படவில்லை. மாநிலத்தில் மொத்தம் பாதித்தோரின் எண்ணிக்கை 115 ஆக உள்ளது. 27 பேர் குணமடைந்துள்ளனர்.

குஜராத்:

குஜராத்தில் கடந்த 24 மணி நேரத்தில் 374 பேருக்கு நோய்த் தொற்று உறுதி செய்யப்பட்டுள்ளது. இதைத் தொடர்ந்து மாநிலத்தில் மொத்தம் பாதித்தோர் எண்ணிக்கை 5,428 ஆக உயர்ந்துள்ளது. மொத்தம் 1,024 பேர் குணமடைந்துள்ளனர். 290 பேர் பலியாகியுள்ளனர்.

சண்டிகர்:

சண்டிகரில் மொத்தம் 97 பேருக்கு நோய்த் தொற்று இருப்பது உறுதி செய்யப்பட்டுள்ளது. ஒருவர் பலியாகியுள்ளார். 19 பேர் குணமடைந்துள்ளனர். 75 பேர் சிகிச்சை பெற்று வருகின்றனர்.

பஞ்சாப்:

பஞ்சாபில் மேலும் 331 பேருக்கு கரோனா தொற்று உறுதி செய்யப்பட்டுள்ளது. இதைத் தொடர்ந்து மாநிலத்தில் மொத்தம் பாதித்தோரின் எண்ணிக்கை 1,102 ஆக உயர்ந்துள்ளது.