‘தாமதத்துக்கு தொழில்நுட்ப பிரச்னையே காரணம்’

பிராந்திய மொழிகளில் தமிழ் மொழியில்தான் முதல் முதலில் புதிய கல்விக் கொள்கை மொழி பெயா்க்கப்பட்டது. தொழில் நுட்பப் பிரச்னைகளால்தான் பதிவேற்றம் செய்வதில் தாமதமானது என மத்திய கல்வி அமைச்சக வட்டாரங்கள் திங்கள்கிழமை கூறின.

இதுகுறித்து மத்திய கல்வி அமைச்சக வட்டாரங்களில் திங்கள்கிழமை விசாரித்தபோது, புதிய கல்விக் கொள்கையின் தமிழ் மொழி பெயா்ப்புதான் முதலில் தயாரானது. மற்ற மொழிகளோடு தமிழ் மொழி பெயா்ப்பு வெளியிடவும் அனுமதி கொடுக்கப்பட்டுவிட்டது. ஆனால், மத்திய கல்வி அமைச்சகத்தின் இணையதளத்தில் பதிவேற்றம் செய்யும்போது, சில தொழில் நுட்பத் தடங்கலால் பதிவேற்றம் செய்வதில் தாமதம் ஏற்பட்டது. இது தற்போது சரி செய்யப்பட்டு இணையதளத்தில் பதிவேற்றம் செய்யப்பட்டது.