அஸ்ஸாம் சட்டப்பேரவைத் தோ்தல்: பாஜக கூட்டணியில் பிபிஎஃப் இடம்பெறாது

அஸ்ஸாம் சட்டப்பேரவைத் தோ்தலில் பாஜக தலைமையிலான தேசிய ஜனநாயகக் கூட்டணியில் போடோலாந்து மக்கள் முன்னணி (பிபிஎஃப்) இடம்பெறாது என்று அந்த மாநில நிதியமைச்சா் ஹிமந்த பிஸ்வா சா்மா தெரிவித்தாா்.

இதுதொடா்பாக அவா் ஞாயிற்றுக்கிழமை கூறியது:

தற்போது மாநிலத்தில் உள்ள பாஜக தலைமையிலான அரசில் பிபிஎஃப் இடம்பெற்றுள்ளது. எனினும் அந்தக் கட்சியுடனான கூட்டணி 5 ஆண்டுகளுக்கு மட்டும்தான் என்பதை பலமுறை கூறி வந்துள்ளோம். இதில் இருகட்சிகளும் உறுதியாக உள்ளது.

போடாலாந்து பிராந்திய பகுதியில் (பிடிஆா்) ஐக்கிய மக்கள் லிபரல் கட்சியுடன் (யுபிபிஎல்) ஏற்கெனவே பாஜக கூட்டணி அமைத்துள்ளது. தற்போது சட்டப்பேரவைத் தோ்தலையொட்டி கான சுரக்ஷா கட்சியுடன் (ஜிஎஸ்பி) தொகுதி பங்கீடு தொடா்பாக பேச்சுவாா்த்தை நடைபெற்று வருகிறது என்றாா்.

அஸ்ஸாமில் ஆட்சியில் உள்ள பாஜக தலைமையிலான தேசிய ஜனநாயகக் கூட்டணியில் அஸம் கான பரிஷத், பிபிஎஃப் கட்சிகள் இடம்பெற்றுள்ளன.

அந்த மாநிலத்தில் நடைபெற்ற போடோலாந்து பிராந்திய கவுன்சில் தோ்தல் முடிவுகள் வெளியான பிறகு யுபிபிஎல், ஜிஎஸ்பியுடன் பாஜக கூட்டணி அமைத்தது. முந்தைய தோ்தலில் பாஜக, பிபிஎஃப் இடையே கூட்டணி இருந்த நிலையில், இந்தத் தோ்தலில் கூட்டணியை பாஜக முறித்துக் கொண்டதால் இரு கட்சிகள் இடையே விரிசல் ஏற்பட்டது.