புது தில்லி: விவசாய சங்கங்களின் பிரதிநிதிகளுடன் நடைபெற்ற பேச்சுவாா்த்தையின்போது, வேளாண் சட்டங்களைத் திரும்பப் பெற முடியாது என்று மத்திய அரசு திட்டவட்டமாகத் தெரிவித்துள்ளது.
பேச்சுவாா்த்தையில் எந்தவித உடன்பாடும் எட்டப்படாததையடுத்து, இருதரப்பினரும் வரும் 8-ஆம் தேதி மீண்டும் பேச்சுவாா்த்தையில் ஈடுபடவுள்ளனா்.
வேளாண் சட்டங்கள் குறித்து விவசாயிகள் எழுப்பி வரும் பிரச்னைகளுக்குத் தீா்வு காணும் நோக்கில், விவசாய சங்கங்களின் பிரதிநிதிகளுடன் 7-ஆம் கட்ட பேச்சுவாா்த்தையில் மத்திய அரசு திங்கள்கிழமை ஈடுபட்டது. விவசாயிகள் எழுப்பி வந்த 2 விவகாரங்களில் 6-ஆம் கட்ட பேச்சுவாா்த்தையின்போது உடன்பாடு எட்டப்பட்டது.
இத்தகைய சூழலில், விவசாயிகளின் மற்ற பிரச்னைகளுக்கு 7-ஆம் கட்ட பேச்சுவாா்த்தையின்போது தீா்வு எட்டப்படும் என்று எதிா்பாா்க்கப்பட்டது. ஆனால், பேச்சுவாா்த்தை தொடங்கிய முதல் ஒரு மணி நேரம் விவசாய சங்கங்களின் பிரதிநிதிகளும் மத்திய அமைச்சா்களும் பிரச்னைகள் தொடா்பாக ஆலோசித்தனா்.
அப்போது, இரு தரப்பினரும் சில பரிந்துரைகளை முன்வைத்ததாகத் தெரிகிறது. அதையடுத்து, விவசாயிகள் தாங்கள் கொண்டு வந்திருந்த உணவை உண்டனா். 6-ஆம் கட்ட பேச்சுவாா்த்தையின்போது விவசாயிகளின் உணவை அமைச்சா்களும் சோ்ந்து உண்டனா்.
ஆனால், திங்கள்கிழமை நடைபெற்ற பேச்சுவாா்த்தையின்போது அத்தகைய காட்சியைக் காண முடியவில்லை. விவசாயிகள் உணவருந்தும் வேளையிலும் அமைச்சா்கள் தங்களுக்குள் ஆலோசனை நடத்தினா். பின்னா் மாலையில் விவசாயிகளுடனான பேச்சுவாா்த்தை தொடா்ந்த போதிலும், இறுதியில் எந்தவித உடன்பாடும் எட்டப்படவில்லை.
வேளாண் சட்டங்களை ரத்து செய்ய வேண்டுமென்றே விவசாயிகள் தொடா்ந்து கோரிக்கை விடுத்ததாகத் தெரிகிறது. ஆனால், மத்திய அரசு அதற்கு சம்மதம் தெரிவிக்கவில்லை என்று விவசாய சங்கங்களின் பிரதிநிதிகள் தெரிவித்தனா். இரு தரப்பினருக்கும் இடையேயான அடுத்தகட்ட பேச்சுவாா்த்தை ஜனவரி 8-ஆம் தேதி நடைபெறவுள்ளதாக அவா்கள் தெரிவித்தனா்.
இரு தரப்பின் பங்களிப்பும் அவசியம்: மத்திய வேளாண்துறை அமைச்சா் நரேந்திர சிங் தோமா் தில்லியில் செய்தியாளா்களிடம் கூறுகையில், ’’வேளாண் சட்டங்கள் குறித்து பகுதி வாரியாக விவாதிக்கலாம் என்ற கோரிக்கையைப் பேச்சுவாா்த்தையின்போது முன்வைத்தோம். ஆனால், அச்சட்டங்களை ரத்து செய்ய வேண்டும் என்று விவசாயிகள் பிடிவாதமாக இருந்தனா். வேளாண் சட்டங்களில் உள்ள பிரச்னைகள் குறித்து விவசாயிகள் எடுத்துரைக்க வேண்டும். அவற்றை முழுமையாகத் திரும்பப் பெறுவது குறித்து மட்டுமே அவா்கள் கோரி வருகின்றனா். அடுத்தகட்ட பேச்சுவாா்த்தையில் பிரச்னைகளுக்கு உரிய தீா்வு எட்டப்படும் என்று நம்புகிறோம். அதற்காக இரு தரப்பினரும் போதிய பங்களிப்பை நல்க வேண்டியது அவசியமாகும்’’ என்றாா்.
செவிசாய்க்க மறுப்பு: விவசாய சங்கங்களின் பிரதிநிதிகள் செய்தியாளா்களிடம் கூறுகையில், ‘‘வேளாண் விளைபொருள்களுக்குக்கான குறைந்தபட்ச ஆதரவு விலைக்கு சட்ட அங்கீகாரம் அளிப்பது தொடா்பாகவும் வேளாண் சட்டங்களைத் திரும்பப் பெறுவது தொடா்பாகவும் விவசாயிகள் எழுப்பி வரும் கோரிக்கைகளுக்கு மத்திய அரசு செவிசாய்க்க மறுத்து வருகிறது.
இந்த விவகாரத்தில் மத்திய அரசு தொடா்ந்து அகங்காரத்துடன் செயல்பட்டு வருகிறது. விவசாயிகளின் கோரிக்கைகள் தொடா்பாக அதிகாரிகளுடன் மேலும் ஆலோசித்த பிறகு பேச்சுவாா்த்தையில் கலந்து கொள்வதாக அமைச்சா்கள் தெரிவித்தனா். தேவையெனில் உச்சநீதிமன்றத்தை நாடுமாறும் அமைச்சா் தோமா் தெரிவித்தாா்’’ என்றனா்.
அமைச்சா்கள் ஆலோசனை: வேளாண் சட்டங்கள் விவகாரத்தில் மேற்கொள்ளப்பட வேண்டிய அடுத்தகட்ட நடவடிக்கைகள் குறித்து மத்திய அமைச்சா்கள் உள்ளிட்டோா் செவ்வாய்க்கிழமை கலந்தாலோசிக்க உள்ளதாகத் தகவல்கள் தெரிவிக்கின்றன.
முன்னதாக, திங்கள்கிழமை பேச்சுவாா்த்தை தொடங்கியபோது தில்லியில் நடைபெற்று வரும் போராட்டத்தில் உயிரிழந்த விவசாயிகளுக்கு அஞ்சலி செலுத்தப்பட்டது.