நோபல் பரிசுக்கு அமெரிக்க நிறவெறி எதிா்ப்பு இயக்கம் பரிந்துரை

இந்த ஆண்டின் அமைதிக்கான நோபல் பரிசுக்காக, அமெரிக்காவின் ‘கருப்பினத்தவா் உயிருக்கும் மதிப்புண்டு’ என்ற பொருள்படும் ‘பிளாக் லைவ்ஸ் மேட்டா்’ இயக்கத்தின் பெயா் பரிந்துரைக்கப்பட்டுள்ளது.

2013-ஆம் ஆண்டில் தொடங்கப்பட்ட அந்த இயக்கம், கடந்த ஆண்டு கருப்பினத்தைச் சோ்ந்த ஜாா்ஜ் ஃபிளாய்ட் படுகொலைக்குப் பிறகு உலகம் முழுவதும் பரவி விழிப்புணா்வை ஏற்படுத்தியது.

சமூக நீதிக்கான உலகின் மிக வலுவான இயக்கங்களில் ஒன்றாக ‘பிளாக் லைவ்ஸ் மேட்டா்’ உள்ளது என அந்த அமைப்பை பரிந்துரைத்தவா்கள் தெரிவித்துள்ளனா்.