ஜூலை 8-ல் ரஷியா செல்கிறார் அமைச்சர் ஜெய்சங்கர்

மத்திய  வெளியுறவுத்துறை அமைச்சர் எஸ்.ஜெய்சங்கர் ஜூலை 8ஆம் தேதி ரஷியா செல்லவுள்ளதாக தகவல் வெளியாகியுள்ளது.

அரசு முறை பயணமாக ரஷியா செல்லவுள்ள ஜெய்சங்கரின் விரிவான பயணத்திட்டத்தை விரைவில் மத்திய அரசு வெளியிடவுள்ளது.

ஜெய்சங்கரின் இந்த பயணத்தின் போது, ரஷியா - இந்தியா இடையேயான பல புதிய ஒப்பந்தங்கள் குறித்து ஆலோசிக்க வாய்ப்புள்ளது. வழக்கமான அனுசக்தி, ஆயுத ஒப்பந்தங்களை தவிர, வேளாண் தொழில்நுட்பம், ரோபோடிக்ஸ், நானோடெக் உள்ளிட்டவை குறித்து ஆலோசிக்கப்படும் என எதிர்பார்க்கப்படுகிறது.

இதற்கிடையே, ஐக்கிய நாடுகளின் பாதுகாப்பு கவுன்சில் மற்றும் அணுசக்தி சப்ளையர்கள் குழுவில் நிரந்தர உறுப்பினராகும் இந்தியாவின் வேட்புமனுவுக்கு ரஷியா தொடர்ந்து ஆதரவளித்து வருவது குறிப்பிடத்தக்கது.