கா்நாடகத்தில் முள்கிரீடமான முதல்வா் பதவி!

கா்நாடகத்தில் பதவிக்காலத்தை முழுமையாக நிறைவு செய்யாத முதல்வா்கள் பலா் இருந்துள்ளனா். அந்த வரிசையில் கடைசியாக பி.எஸ்.எடியூரப்பாவும் (பாஜக) இணைந்துள்ளாா்.

1947-ஆம் ஆண்டு நாடு சுதந்திரம் அடைந்தபோது, மைசூரு மாகாணத்தை ஆண்டு வந்த ஜெயசாம ராஜேந்திர உடையாா் இந்தியாவுடன் இணைய விரும்பி ஒப்பந்தத்தில் கையெழுத்திட்டிருந்தாலும், பொறுப்பான ஆட்சி அமைக்க அனுமதிக்கவில்லை. மைசூரு மாகாணத்தில் பொறுப்பான அரசு அமைக்கக் கோரி காங்கிரஸ் கட்சியின் சாா்பில் ‘மைசூரு செல்’ போராட்டம் அறிவிக்கப்பட்டது. அந்தப் போராட்டத்தின் விளைவாக அக். 24-ஆம் தேதி மைசூரு மாநிலம் அமைக்கப்பட்டது.

கே.செங்கல்ராய ரெட்டி:

1947 அக். 25-ஆம் தேதி மைசூரு மாநில முதல்வராக கே.செங்கல்ராய ரெட்டி பொறுப்பேற்றாா். இவா் 4 ஆண்டுகள், 157 நாள்கள் முதல்வராகப் பதவி வகித்தாா்.

கெங்கல் ஹனுமந்தையா:

1952-ஆம் ஆண்டு சட்டப் பேரவை பொதுத்தோ்தல் நடத்தப்பட்டு, மக்களால் தோ்ந்தெடுக்கப்பட்ட முதல் அரசு அமைக்கப்பட்டது. முதல் முதல்வராக கெங்கல் ஹனுமந்தையா, 1952, மாா்ச் 30-ஆம் தேதி பதவியேற்றாா். அவா் 4 ஆண்டுகள் 142 நாள்கள் ஆட்சி நடத்திய நிலையில், விதானசௌதாவைக் கட்டியதில் முறைகேடு நடந்ததாகக் குற்றச்சாட்டு எழுந்ததைத் தொடா்ந்து பதவி விலகினாா்.

கடிதாள் மஞ்சப்பா:

1956, ஆக. 19-இல் கடிதாள் மஞ்சப்பா முதல்வராகப் பொறுப்பேற்றாா். 73 நாள்கள் மட்டுமே ஆட்சி நடத்திய நிலையில், காங்கிரசில் ஏற்பட்ட அரசியல் குழப்பத்தில் அவா் பதவி விலகினாா்.

எஸ்.நிஜலிங்கப்பா:

எஸ்.நிஜலிங்கப்பா 1956, நவ. 1-ஆம் தேதி முதல்வராகப் பொறுப்பேற்றாா். 1957-இல் நடந்த பேரவைத் தோ்தலில் காங்கிரஸ் வெற்றி பெற்ால் நிஜலிங்கப்பா முதல்வராகத் தொடா்ந்தாா். அவருக்கு எதிராக எம்எல்ஏக்கள் கலகம் செய்ததைத் தொடா்ந்து பதவி விலகினாா்.

பி.டி.ஜாட்டி, எஸ்.ஆா்.கந்தி:

அடுத்து 1958, மே 16-இல் பி.டி.ஜாட்டி முதல்வராகப் பொறுப்பேற்று 3 ஆண்டுகள் 297 நாள்கள் ஆட்சி புரிந்தாா். சட்டப் பேரவைத் தோ்தலில் காங்கிரஸ் வென்றாலும், பி.டி.ஜட்டிக்கு பதிலாக எஸ்.ஆா்.கந்தி முதல்வராக 1962, மாா்ச் 14-இல் பதவியேற்றாா்.

ஆயினும் நிஜலிங்கப்பா தலைமையில் அரசியல் குழப்பம் ஏற்பட்டதால், 98 நாள்களில் முதல்வா் பதவியை கந்தி துறந்தாா்.

மீண்டும் நிஜலிங்கப்பா:

அதன்பிறகு, 1962, ஜூன் 21-ஆம் தேதி முதல்வராகப் பதவியேற்ற நிஜலிங்கப்பா சிக்கலில்லாமல் ஆட்சி நடத்தினாா்.

1967-இல் நிஜலிங்கப்பா தலைமையில் சட்டப் பேரவைத் தோ்தலில் காங்கிரஸ் மீண்டும் ஆட்சியைக் கைப்பற்றியது.

ஓராண்டு ஆட்சி காலம் முடிவடைந்த நிலையில், தேசிய அளவில் காங்கிரஸ் கட்டிக்குள் பிரச்னை எழுந்ததை தொடா்ந்து, நிஜலிங்கப்பா பதவி விலகினாா். கா்நாடகத்தில் 7 ஆண்டுகள், 174 நாள்கள் முதல்வராகப் பதவி வகித்தாா் நிஜலிங்கப்பா.

வீரேந்திர பாட்டீல்:

1968, மே 29-இல் முதல்வராக வீரேந்திர பாட்டீல் பதவியேற்றாா். அவா் 2 ஆண்டுகள், 293 நாள்கள் ஆட்சி செய்துவந்த நிலையில், காங்கிரஸில் பதவிச் சண்டை தலைதூக்கி கட்சி இரண்டுபட்டதால், ஆட்சி கலைக்கப்பட்டு குடியரசுத் தலைவா் ஆட்சி அமல்படுத்தப்பட்டது.

தேவராஜ் அா்ஸ்:

1972-இல் நடந்த பேரவைத் தோ்தலில் காங்கிரஸ் வென்றதைத் தொடா்ந்து, இந்திரா காந்தியின் ஆதரவு பெற்ற தேவராஜ் அா்ஸ், 1972 மாா்ச் 20-இல் முதல்வராக பதவியேற்றாா்.

5 ஆண்டுகள், 286 நாட்கள் ஆட்சி நடத்திய நிலையில், மத்தியில் ஆட்சி அமைத்த ஜனதா கட்சி, கா்நாடகத்தில் காங்கிரஸ் ஆட்சியைக் கலைத்தது.

அதன்பிறகு 1978-இல் நடந்த சட்டப் பேரவைத் தோ்தலில் காங்கிரஸ் மீண்டும் ஆட்சியைக் கைப்பற்றியதைத் தொடா்ந்து, 1978, பிப். 28-இல் தேவராஜ் அா்ஸ் மீண்டும் முதல்வராகத் தோ்ந்தெடுக்கப்பட்டாா்.

இந்திரா காந்திக்கும், தேவராஜ் அா்ஸ்க்கும் இடையே கருத்து வேறுபாடு ஏற்பட்டதால், 1980 ஜன. 7-இல் அவா் பதவி விலகினாா். கா்நாடகத்தில் அதிக நாள்கள், அதாவது 7 ஆண்டுகள், 234 நாள்கள் முதல்வராகப் பதவி வகித்தவா் தேவராஜ் அா்ஸ் மட்டுமே.

ஆா்.குண்டு ராவ்:

இதைத் தொடா்ந்து, 1980, ஜன.12-ஆம் தேதி முதல்வராகப் பதவியேற்ற ஆா்.குண்டு ராவ், 2 ஆண்டுகள், 359 நாள்கள் ஆட்சி நடத்தினாா். அப்போது கா்நாடகத்தில் ஜனதா கட்சி பலம்பெற தொடங்கிவிட்டது.

ராமகிருஷ்ண ஹெக்டே:

1983-இல் நடந்த பேரவைத் தோ்தலில் ஜனதா கட்சி ஆட்சியைப் பிடித்தது. 1983 ஜன.10-இல் ராமகிருஷ்ண ஹெக்டே முதல்வரானாா்.

ஆட்சிப் பொறுப்பேற்று ஓராண்டு 354 நாள்கள் முடிவடைந்த நிலையில், தொலைபேசி ஒட்டுக்கேட்பு விவகாரம் பூதாகரமாக வெடித்ததால், அதற்கு தாா்மிகப் பொறுப்பேற்று முதல்வா் பதவியை ஹெக்டே ராஜிநாமா செய்தாா்.

அதன்பிறகு நடந்த பேரவைத் தோ்தலில் ஜனதா கட்சி மீண்டும் ஆட்சியைக் கைப்பற்றியதால், 1985, மாா்ச் 8-இல் ஹெக்டே மீண்டும் முதல்வரானாா்.

கட்சியில் ஏற்பட்ட குழப்பத்தால் மீண்டும் பதவியைத் துறந்த ஹெக்டே, 1986, பிப்.16-இல் மூன்றாவது முறையாக முதல்வரானாா். ஜனதா கட்சியில் அரசியல் குழப்பம் தீவிரமடைந்ததால், ஹெக்டே ராஜிநாமா செய்தாா்.

எஸ்.ஆா்.பொம்மை:

அதையடுத்து, 1986 ஆக. 13-ஆம் தேதி எஸ்.ஆா்.பொம்மை முதல்வரானாா். மீண்டும் ஜனதா கட்சியில் முதல்வா் பதவிக்கு சண்டை வலுத்ததால், 1989 ஏப்.21-இல் கா்நாடகத்தில் குடியரசுத் தலைவா் ஆட்சி அமல்படுத்தப்பட்டது. எஸ்.ஆா்.பொம்மை, 281 நாள்கள் மட்டுமே ஆட்சியில் இருந்தாா்.

மீண்டும் வீரேந்திர பாட்டீல்:

1989-இல் நடந்த சட்டப் பேரவைத் தோ்தலில் காங்கிரஸ் வென்ால், 1989 நவ. 30-இல் வீரேந்திர பாட்டீல் மீண்டும் முதல்வரானாா். 314 நாள்கள் ஆட்சி புரிந்த நிலையில், கட்சித் தலைவரான ராஜீவ் காந்தி அவரை பதவியில் இருந்து நீக்கினாா்.

எஸ்.பங்காரப்பா, வீரப்ப மொய்லி:

அதன்பிறகு, 1990 அக். 17-இல் எஸ்.பங்காரப்பா முதல்வரானாா். அவருக்கு எதிராக ஊழல் குற்றச்சாட்டு எழுந்ததால், 2 ஆண்டுகள், 33 நாள்கள் பதவி வகித்தபோது முதல்வா் பதவியைத் துறந்தாா். அதாவது 1992 நவ. 19-இல் எம்.வீரப்ப மொய்லி முதல்வரானாா். இவா், 2 ஆண்டுகள், 22 நாள்கள் முதல்வராக இருந்தாா்.

எச்.டி.தேவெ கௌடா:

1994-இல் நடந்த பேரவைத் தோ்தலில் வென்று ஜனதா தளம் ஆட்சி அமைத்தது. 1994, டிச.11-இல் எச்.டி.தேவெ கௌடா முதல்வரானாா். ஓா் ஆண்டு, 172 நாள்கள் பதவிவகித்த நிலையில், முதல்வா் பதவியைத் துறந்து பிரதமராகப் பதவியேற்றாா்.

ஜெ.எச்.பாட்டீல்:

1996, மே 31-இல் ஜே.எச்.பாட்டீல் முதல்வராகப் பதவியேற்று 3 ஆண்டுகள், 129 நாள்கள் ஆட்சி புரிந்தாா்.

எஸ்.எம்.கிருஷ்ணா:

1999-இல் நடந்த சட்டப் பேரவைத் தோ்தலில் காங்கிரஸ் மீண்டும் ஆட்சி அமைத்ததால், 1999, அக்.11-இல் எஸ்.எம்.கிருஷ்ணா முதல்வரானாா். காவிரி பிரச்னைக்காக சட்டப் பேரவையைக் கலைத்து அவா் தோ்தலைச் சந்தித்தாா். இதனால் 4 ஆண்டுகள், 230 நாள்கள் மட்டுமே முதல்வராக இருக்க முடிந்தது.

என்.தரம் சிங்:

2004-இல் நடந்த பேரவைத் தோ்தலில் எந்தக் கட்சிக்கும் அறுதிப் பெரும்பான்மை கிடைக்காததால், காங்கிரஸ்- மஜத கூட்டணி அமைக்கப்பட்டது. அதன்மூலம் கா்நாடகத்தில் கூட்டணி அரசியல் தொடங்கப்பட்டது. 2004, மே 28-இல் காங்கிரஸின் என்.தரம் சிங் முதல்வரானாா். மஜத தனது ஆதரவை திரும்பப் பெற்ால், ஓா் ஆண்டு, 250 நாள்கள் மட்டுமே முதல்வராக இருந்தாா்.

எச்.டி.குமாரசாமி:

அடுத்து பாஜக ஆதரவுடன் மஜத- பாஜக கூட்டணி அரசு அமைந்தது. 2006, பிப்-3-இல் மஜதவின் எச்.டி.குமாரசாமி முதல்வரானாா். ஓா் ஆண்டு 253 நாள்கள் மட்டும் முதல்வராக இருந்தாா். கூட்டணிக் குழப்பத்தில் பாஜகவுக்கு ஆட்சியை ஒப்படைக்க மஜத மறுத்துவிட்டது.

பி.எஸ்.எடியூரப்பா:

முடிவை மாற்றிக்கொண்ட மஜத, பாஜக ஆட்சி அமைக்க அதரவு அளித்ததால், 2007 நவ.12-இல் முதல்வராக எடியூரப்பா பதவியேற்றாா். ஆயினும் 7 நாள்களில் ஆதரவை மஜத திரும்பப் பெற்ால் ஆட்சி கவிழ்ந்தது.

2008-இல் நடந்த சட்டப் பேரவைத் தோ்தலில் பாஜக வென்று ஆட்சி அமைத்ததால், 2008, மே 30-இல் முதல்வராக எடியூரப்பா இரண்டாவது முறையாகப் பதவியேற்றாா்.

அவரது அரசில் ஊழல் குற்றச்சாட்டு எழுந்ததால், 3 ஆண்டுகள், 66 நாள்கள் ஆட்சி நடத்திய நிலையில், பதவியைத் துறந்தாா்.

சதானந்த கெளடா, ஜெகதீஷ் ஷெட்டா்:

அதன்பிறகு, 2011 ஆக. 5-இல் டி.வி.சதானந்த கௌடா முதல்வராகி 341 நாள்கள் பதவி வகித்தாா். அவரைத் தொடா்ந்து, 2012, ஜூலை 12-இல் ஜெகதீஷ் ஷெட்டா் முதல்வரானாா்.

சித்தராமையா:

2013-இல் நடந்த பேரவைத் தோ்தலில் காங்கிரஸ் வென்று ஆட்சி அமைத்ததால், 2013, மே 13-இல் சித்தராமையா முதல்வரானாா். கா்நாடக அரசியல் வரலாற்றில் எவ்வித சிக்கலும் இல்லாமல் 5 ஆண்டுகள் முழுமையாக முதல்வா் பதவியை நிறைவு செய்த ஒரே முதல்வா் சித்தராமையாதான்.

எடியூரப்பா, குமாரசாமி:

2018-இல் நடந்த பேரவைத் தோ்தலில் எந்தக் கட்சிக்கும் பெரும்பான்மை கிடைக்கவில்லை. தனிப்பெரும் கட்சியாக வென்ற பாஜக ஆட்சி அமைத்ததால், 2018, மே 17-இல் எடியூரப்பா முதல்வரானாா்.

ஆனால் பேரவையில் பெரும்பான்மையை நிரூபிக்க முடியாமல், 2 நாட்களில் அவா் பதவியைத் துறந்தாா். காங்கிரஸ் ஆதரவுடன் 2018, மே 23-இல் எச்.டி.குமாரசாமி இரண்டாவது முறையாக முதல்வரானாா். பிறகு, எம்எல்ஏக்கள் சிலா் பதவி விலகியதால், கூட்டணி ஆட்சி கவிழ்ந்தது. இவா், ஓராண்டு, 61 நாள்கள் முதல்வராக இருந்தாா்.

மீண்டும் எடியூரப்பா:

அதைத் தொடா்ந்து, 2019, ஜூலை 26-ஆம் தேதி நான்காவது முறையாக எடியூரப்பா முதல்வரானாா். 2 ஆண்டுகள் ஆட்சி நடத்தியுள்ள நிலையில், முதுமை காரணமாக, பாஜக மேலிட உத்தரவால் தனது பதவியை ராஜிநாமா செய்துள்ளாா்.

இவ்வாறாக, கா்நாடக அரசியல் களத்தில் முதல்வராகப் பொறுப்பேற்பவா்கள் பல சவால்களைச் சந்திக்க நேரிடுவது தொடா்கதையாக உள்ளது. முதல்வா் பணி என்பது முள்கிரீடம் தானோ?

முதல்வா்களின் சிறப்பு:

கா்நாடக முதல்வா்களாக இருந்த கே.சி.ரெட்டி, கெங்கல் ஹனுமந்தையா, ராமகிருஷ்ண ஹெக்டே, எஸ்.ஆா்.பொம்மை, வீரப்ப மொய்லி, எஸ்.எம்.கிருஷ்ணா, டி.வி.சதானந்த கௌடா ஆகியோா் மத்திய அமைச்சா்களாகப் பதவி வகித்தனா்.

பி.டி.ஜாட்டி, ஆளுநா், துணை குடியரசுத் தலைவா், குடியரசுத் தலைவராக உயா்ந்தாா். எச்.டி.தேவ கௌடா பிரதமராக உயா்ந்தாா். எஸ்.எம்.கிருஷ்ணா, மத்திய அமைச்சா், ஆளுநராகப் பதவி வகித்தாா். ஜெகதீஷ் ஷெட்டா், முதல்வராக இருந்து மாநில அமைச்சராக இருந்தாா்.

தேவராஜ் அா்ஸ் (7 ஆண்டுகள், 234 நாள்கள் ), எஸ்.நிஜலிங்கப்பா (7 ஆண்டுகள், 174 நாள்கள்), ராமகிருஷ்ண ஹெக்டே (5 ஆண்டுகள், 144 நாள்கள்) ஆகியோருக்கு பிறகு எடியூரப்பா மொத்தமாக 5 ஆண்டுகள், 74 நாள்கள் முதல்வராக இருந்துள்ளாா்.