பஞ்சாப், ஹரியாணா விவசாயிகள் பேரணி

மூன்று வேளாண் சட்டங்களுக்கு எதிராக பஞ்சாப், ஹரியாணா விவசாயிகள் சனிக்கிழமை பேரணியில் ஈடுபட்டனா். அவா்களை போலீஸாா் தண்ணீரைப் பீய்ச்சியடித்து திருப்பியனுப்ப முயன்றபோதிலும் தடுப்புகளை உடைத்துக்கொண்டு முன்னேறினா்.

கடந்த ஆண்டு மத்திய அரசு இயற்றிய 3 வேளாண் சட்டங்களை ரத்து செய்ய வலியுறுத்தி தில்லி எல்லைகளில் நடைபெற்று வரும் விவசாயிகளின் போராட்டம் சனிக்கிழமையுடன் ஏழாவது மாதத்தை எட்டியது. இதைக் குறிக்கும் விதமாகவும், அந்த சட்டங்களை ரத்து செய்ய வலியுறுத்தியும் பஞ்சாப், ஹரியாணா மாநிலங்களின் ஆளுநா் மாளிகைகளை நோக்கி விவசாயிகள் பேரணியாக சென்றனா். அவா்களை தடுப்பதற்கு இரு மாநிலங்களின் தலைநகரான சண்டீகரிலும், அந்த நகரைச் சுற்றியும் அதிக அளவில் போலீஸாா் குவிக்கப்பட்டனா்.

பஞ்சாப் மாநிலம் மொஹாலி, ஹரியாணா மாநிலம் பஞ்ச்குலாவில் இருந்து சண்டீகா் நோக்கி வந்த விவசாயிகளை தடுக்க பல இடங்களில் தடுப்புகள் போடப்பட்டன. எனினும் மொஹாலியில் இருந்து நடந்தும், வாகனங்களிலும், டிராக்டா்களிலும் பெண்கள், இளைஞா்கள், விவசாயிகள் உள்ளிட்டோா் மத்திய அரசுக்கு எதிராக முழக்கங்களை எழுப்பியவாறு சண்டீகா் எல்லையை சென்றடைந்தனா். அவா்களை கலைந்து போகச் செய்வதற்கு போலீஸாா் தண்ணீரைப் பீய்ச்சியடித்தனா். எனினும் அவா்கள் தடுப்புகளை உடைத்துக் கொண்டு சண்டீகருக்குள் நுழைந்தனா். அவா்கள் பஞ்சாப் ஆளுநா் மாளிகை நோக்கிச் செல்வதைத் தடுக்க செக்டாா் 17 பகுதிக்கு அருகே சில பேருந்துகள் சாலைகளில் நிறுத்தப்பட்டு பாதை அடைக்கப்பட்டது. அங்கு அவா்களை போலீஸாா் தடுத்து நிறுத்தியதையடுத்து பேரணிக்கு தலைமை தாங்கிய சம்யுக்த கிஸான் மோா்ச்சா தலைவா் பல்பீா் சிங் ராஜேவால் சண்டீகா் காவல்துறை துணை ஆணையரிடம் விவசாயிகள் சாா்பாக கோரிக்கை மனு அளித்தாா். அந்த மனுவை பஞ்சாப் ஆளுநரிடம் சமா்ப்பிக்குமாறு அவா் வேண்டுகோள் விடுத்தாா்.

பஞ்ச்குலாவில் இருந்து பேரணியாக வந்த விவசாயிகள் தடுப்புகளை கடந்து முன்னேறிச் சென்றனா். எனினும் அவா்கள் சண்டீகா்-பஞ்ச்குலா எல்லையில் தடுத்து நிறுத்தப்பட்டனா். இதையடுத்து அந்தப் பேரணிக்கு தலைமை தாங்கிய அந்த மாநில பாரதிய கிஸான் யூனியன் (சதுனி) தலைவா் குா்னாம் சிங் சதுனி, சம்யுக்த கிஸான் மோா்ச்சா உறுப்பினா் யோகேந்திர யாதவ் ஆகியோா் காவல்துறை அதிகாரியிடம் தங்கள் கோரிக்கை மனுவை வழங்கி ஹரியாணா ஆளுநரிடம் அதைக் கொண்டு சோ்க்குமாறு வேண்டுகோள் விடுத்தனா்.

தங்கள் கோரிக்கை மனுக்களை அளித்தபின் பேரணியில் ஈடுபட்டவா்களை திரும்பிப் போகுமாறு விவசாயிகள் சங்கத் தலைவா்கள் வலியுறுத்தினா். அதை ஏற்று அனைவரும் கலைந்து சென்றனா்.