Enable Javscript for better performance
8 more patients found infected with Omicron in the state- Dinamani

உடனுக்கு உடன் செய்திகள்

    மகாராஷ்டிரத்தில் மேலும் 8 பேருக்கு ஒமைக்ரான்

    By DIN  |   Published On : 14th December 2021 07:50 PM  |   Last Updated : 14th December 2021 07:52 PM  |  அ+அ அ-  |  

    8 more patients found infected with Omicron in the state

    கோப்புப்படம்


    மகாராஷ்டிரத்தில் மேலும் 8 பேருக்கு ஒமைக்ரான் வகை கரோனா தொற்று பாதிப்பு இருப்பது உறுதி செய்யப்பட்டுள்ளது.

    மகாராஷ்டிர கரோனா பாதிப்பு நிலவரம் பற்றிய தரவுகளை மாநில சுகாதாரத் துறை செய்திக் குறிப்பு மூலம் வெளியிட்டுள்ளது. அதில் ஒமைக்ரான் தொற்று பாதிப்பு நிலவரம் பற்றி தரவுகளும் இடம்பெற்றுள்ளன.

    இதன்படி, மாநிலத்தில் புதிதாக 8 பேருக்கு ஒமைக்ரான் தொற்று பாதிப்பு இருப்பது உறுதி செய்யப்பட்டுள்ளது. இதில் 7 பேர் மும்பையைச் சேர்ந்தவர்கள். ஒருவர் வசை விராரைச் சேர்ந்தவர். 

    மகாராஷ்டிரத்தில் இதுவரை ஒமைக்ரான் தொற்றால் பாதிக்கப்பட்டவர்களின் மொத்த எண்ணிக்கை 28 ஆக உயர்ந்துள்ளது. இதில் 9 பேர் ஆர்டி பிசிஆர் பரிசோதனையில் தொற்று பாதிப்பு இல்லை என்பது உறுதி செய்யப்பட்டவுடன் மருத்துவமனையிலிருந்து வீடு திரும்பினர்.

    இதையும் படிக்க20 மாதங்களுக்குப் பிறகு.. மும்பையில் பள்ளிகள் நாளை திறப்பு

    புதிதாக பாதிப்புக்குள்ளான 8 பேரில் 3 பேர் பெண்கள், 5 பேர் ஆண்கள். இவர்களது மாதிரிகள் அனைத்தும் டிசம்பர் முதல் வாரத்தில் சேகரிக்கப்பட்டன. 3 பேருக்கு அறிகுறிகள் தென்படவில்லை. 5 பேருக்கு லேசான அறிகுறிகள் தென்பட்டுள்ளன. முதற்கட்ட தகவலின்படி இவர்கள் அனைவரும் எவ்வித சர்வதேச பயணமும் மேற்கொள்ளவில்லை என்பது தெரியவந்துள்ளது. ஒருவர் பெங்களூருவுக்கும் மற்றொருவர் தில்லிக்கும் பயணம் மேற்கொண்டுள்ளனர். மும்பையில் பாதிக்கப்பட்ட ஒருவர் ராஜஸ்தானிலிருந்து திரும்பியவர்.

    8 பேரில் 2 பேர் மருத்துவமனையில் அனுமதிக்கப்பட்டுள்ளனர். 6 பேர் வீட்டுத் தனிமையில் உள்ளனர். இவர்களுடன் தொடர்பிலிருந்தவர்களைக் கண்டறியும் பணி நடைபெற்று வருகிறது.

    இந்த 8 பேரில் 7 பேர் முழுமையாக தடுப்பூசி செலுத்திக்கொண்டுள்ளனர். ஒருவர் தடுப்பூசி செலுத்திக்கொள்ளவில்லை.


    TAGS
    omicron

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp