மைசூரு தசரா கொண்டாட்டம்: கலைஞர்களுக்கு நிபந்தனைகள் என்னென்ன?

கரோனா பெருந்தொற்றுக்கிடையே தசரா கொண்டாடப்படுவதால் நாடக கலைஞர்கள் மற்றும் அதிகாரிகளுக்கு கர்நாடக அரசு பல்வேறு நிபந்தனைகளை விதித்துள்ளது.

தசரா பண்டிகை வரும் 15-ம் தேதி கொண்டாடப்படுகிறது. கரோனா பரவலுக்கு இடையே பல்வேறு மாநில அரசுகள் பல்வேறு கட்டுப்பாடுகளை விதித்து வருகின்றன. 

மைசூருவில் கொண்டாடப்படும் தசரா பண்டிகை உலக பிரசித்தி பெற்றது. இதனால் அதில் பங்கேற்பவர்களுக்கு கர்நாடக அரசு நிபந்தனைகளை விதித்துள்ளது.

படிக்க | கார் ஏற்றிக் கொல்லப்பட்ட விவசாயிகள்: பதைபதைக்கும் விடியோ

இது தொடர்பாக அம்மாநில தலைமைச் செயலாளர் பி. ரவிகுமார் வெளியிட்டுள்ள செய்திக் குறிப்பில்,

மைசூரு தசராவில் விழாவில் பங்கேற்கும் அரசு அதிகாரிகள், பணியில் உள்ள அலுவலர்கள், கலைஞர்கள், பாதுகாப்பாளர்கள் மற்றும் பத்திரிகை செய்தியாளர்களுக்கு ஆர்டி-பிசிஆர் பரிசோதனை கட்டாயம்.

அக்டோபர் 4-ம் தேதிக்கு பிறகு எடுத்த பரிசோதனை சான்றிதழ் வைத்திருப்பது அவசியம். விழாவில் பங்கேற்கும் கலைஞர்களுக்கு கரோனா பரிசோதனையில் முன்னுரிமை வழங்கப்படும்.

9 நாள்களுக்கு விழா நடைபெறும் என்ராலும், கரோனாவால் தசரா பண்டிகைக்கு அதிக அளவிலான மக்களுக்கு அனுமதி இல்லை என்று நிபந்தனைகள் விதிக்கப்பட்டுள்ளது.

விழாவில் பங்கேற்பதற்காக கர்நாடக முன்னாள் முதல்வர் எஸ்.எம். கிருஷ்ணாவிற்கு அழைப்பு விடுத்துள்ளது.