‘இந்திய ஆக்கிரமிப்பு ஜம்மு-காஷ்மீா்’கேரள இடதுசாரி எம்எல்ஏ கருத்தால் சா்ச்சை

 ஜம்மு-காஷ்மீா் யூனியன் பிரதேசத்தை இந்திய ஆக்கிரமிப்பு ஜம்மு-காஷ்மீா் என்று கேரள முன்னாள் அமைச்சரும், ஆளும் இடதுசாரி கூட்டணியைச் சோ்ந்த எம்எல்ஏவுமான கே.டி. ஜலீல் கூறியுள்ளது பெரும் சா்ச்சையை ஏற்படுத்தியுள்ளது.

அண்மையில் காஷ்மீருக்கு பயணம் மேற்கொண்ட ஜலீல் தனது பயணம் தொடா்பாக முகநூலில் ஒரு பதிவை வெளியிட்டுள்ளாா். மலையாளத்தில் வெளியிடப்பட்டுள்ள அந்த பதிவில், ‘பாகிஸ்தான் ஆக்கிரமிப்பு காஷ்மீா் என்று அழைக்கப்படும் பகுதி சுதந்திர காஷ்மீராக உள்ளது. அங்கு பாகிஸ்தான் அரசின் நேரடி கட்டுப்பாடு ஏதுமில்லை. பணப் புழக்கம் மற்றும் ராணுவ உதவியை மட்டுமே பாகிஸ்தான் அளிக்கிறது. சுதந்திர காஷ்மீருக்கென்று தனி ராணுவம் கூட உள்ளது.

ஆனால், இங்கு மோடி அரசு ஜம்மு-காஷ்மீரை மூன்றாக பிரித்துவிட்டது. இந்திய ஆக்கிரமிப்பு ஜம்மு-காஷ்மீரான இப்பகுதி ஜம்மு, காஷ்மீா் பள்ளத்தாக்கு மற்றும் லடாக் என மூன்றாக உடைந்துள்ளது. காஷ்மீா் தனது சிறப்பை இழந்துவிட்டது. இப்போது எங்கு பாா்த்தாலும் ராணுவத்தின் நடமாட்டம்தான் உள்ளது. காஷ்மீரிகள் சிரிப்பை மறந்துவிட்டாா்கள். அனைத்து அரசியல் தலைவா்களும் வீட்டுச் சிறையில்தான் உள்ளனா்’ என்று கூறியுள்ளாா்.

மாா்க்சிஸ்ட் கம்யூனிஸ்ட் கட்சியைச் சோ்ந்த கே.டி.ஜலீல், கேரள முதல்வா் பினராயி விஜயனுக்கு மிகவும் நெருக்கமானவா். அவரது இந்த பதிவு சமூக வலைதளத்தில் அதிக பரபரப்பை ஏற்படுத்தியதுடன், கடும் எதிா்ப்பும் எழுந்துள்ளது.

அவரது இந்த கருத்துக்கு பாஜக கடும் கண்டனம் தெரிவித்துள்ளது. இது தொடா்பாக பாஜக செய்தித் தொடா்பாளா் சந்தீப் வாரியா் கூறுகையில், ‘இந்தியாவைச் சோ்ந்த மக்கள் பிரதிநிதி என்ற வகையில் பாகிஸ்தான் ஆக்கிரமிப்பு காஷ்மீா் தொடா்பான இந்திய அரசின் நிலைப்பாட்டை அவா் ஏற்றுக் கொள்கிறாரா? என்பது தெரியவில்லை. பாகிஸ்தானுக்கு ஆதரவாக பேசுவதன் மூலம் அந்த நாட்டைச் சோ்ந்த பயங்கரவாதிகள் காஷ்மீரில் புகுந்து செய்து வரும் அட்டூழியங்களை அவா் மறைக்க முயலுகிறாா். மேலும், ஆக்கிரமிப்பு காஷ்மீா் தொடா்பான அவரது கருத்துகள் நகைப்புக்குரியவை. அந்த பகுதியை பாகிஸ்தான் ராணுவம் வலுக்கட்டாயமாக ஆக்கிரமித்து வைத்துள்ளது. ஜம்மு-காஷ்மீரில் இந்திய ராணுவம் நிலைநிறுத்தப்படாமல் இருந்தால் பாகிஸ்தான் ராணுவம் ஒட்டுமொத்த காஷ்மீரையும் ஆக்கிரமிக்க முயலும். ஜலீல் பதிவு மூலம் அவா் எத்தகைய நச்சு எண்ணங்களைக் கொண்டுள்ளாா் என்பது தெளிவாகிறது’ என்றாா்.

இந்த சா்ச்சை தொடா்பாக கேரள மாநில மாா்க்சிஸ்ட் செயலா் கொடியேறி பாலகிருஷ்ணன் உடனடியாக கருத்து தெரிவிக்க மறுத்துவிட்டாா். ஜலீலின் பதிவை முழுமையாக படித்த பிறகுதான் கருத்து கூற முடியும் என்று அவா் கூறினாா்.