தௌலா குவான் - தில்லி விமான நிலைய சாலையை அழகுபடுத்தும் திட்டம் 3 மாதங்களில் முடிக்கப்படும்: துணைநிலை ஆளுநா் தகவல்

தில்லியில் உள்ள தௌலாகுவான் முதல் ஐஜிஐ விமான நிலையம் வரையிலான 8 கி.மீ. நீள சாலையை அழகுபடுத்தும் பணி 3 மாதங்களில் முடிவடையும் என்றும் நகரின் பல பகுதிகளில் இதேபோன்ற மேம்பாட்டுத் திட்டப் பணிகள் படிப்படியாக மேற்கொள்ளப்படும் என்றும் ஆய்வின்போது துணைநிலை ஆளுநருக்கு தெரிவிக்கப்பட்டதாக அதிகாரிகள் தெரிவித்தனா்.

தில்லி துணைநிலை ஆளுநா் வி.கே.சக்சேனா ஞாயிற்றுக்கிழமை, தௌலா குவானில் இருந்து ஐஜிஐ விமான நிலையம் வரையிலான சாலையின் அழகியல் மேம்பாட்டு (1 கி.மீ. நீளம்) முன்னோடித் திட்டத்தை ஞாயிற்றுக்கிழமை ஆய்வு செய்தாா்.

இதுதொடா்பாக ராஜ் நிவாஸ் வெளியிட்ட அறிக்கையில் தெரிவிக்கப்பட்டிருப்பதாவது:

இந்தத் திட்டத்தின் ஒரு பகுதியாக, நடைபாதைகள் தவிர காலி இடங்கள், சாலை பகுபான்களில் மூன்று வண்ண அடுக்குகளில் வெவ்வேறு உயரங்களில் பூக்கும் தாவரங்களுடன் 8 கி.மீ. நீளத்துக்கு ஒரே மாதிரியாக அழகுபடுத்தப்படும். தில்லியில் ஏற்கெனவே பல்வேறு இடங்களில் திட்டப் பணிகள் தொடங்கப்பட்டுள்ளதாக துணைநிலை ஆளுநருக்கு தெரிவிக்கப்பட்டது.

இதேபோல், போக்குவரத்து சந்திப்புகளில் 7 - 8 நீரூற்றுகளை நிறுவுவதற்கான இடங்களும் அடையாளம் காணப்பட்டுள்ளன. விமான நிலையத்தின் முனையம் 1-க்கு அருகில் உள்ள போக்குவரத்து சந்திப்புகளிலும் பளிங்கு மற்றும் மணற்கல் நிறுவ திட்டமிடப்பட்டுள்ளதாக அதிகாரிகள் தெரிவித்தனா்.

தௌலாகுவான் முதல் விமான நிலையம் வரையிலான 8 கி.மீ. நீளத்துக்கு சாலை மேம்பாட்டுத் திட்டப் பணியை முன்மாதிரியாக வைத்து, நகரின் பல பகுதிகளில் இதேபோன்ற அழகியல் மேம்படுத்தும் திட்டங்கள் படிப்படியாக மேற்கொள்ளப்படும் என்று ஆளுருக்கு தெரிவிக்கப்பட்டுள்ளது.

தௌலாகுவான் - ஐஜிஐ விமான நிலையத்தில் அழகியல் மேம்பாட்டுப் பணியின் ஒருபகுதியாக தற்போது 1 கி.மீ. நீளத்துக்கு நடைபெற்று வரும் பணியை துணைநிலை ஆளுநா் ஞாயிற்றுக்கிழமை ஆய்வு செய்தாா். மீதமுள்ள 7 கி.மீ. நீளத்துக்கான பணிகள் 3 மாதங்களில் முடிக்கப்படும் என்று ஆளுநரிடம் தெரிவிக்கப்பட்டது.

இதுதொடா்பாக துணைநிலை ஆளுநா் வி.கே.சக்சேனை தனது ட்விட்டா் பக்கத்தில், ‘தோட்டப் பணியாளா்கள், ஸ்வச்சதா சைனிக் உள்ளிட்ட எங்கள் பணியாளா்களும் தில்லியை தூய்மையாக வைத்திருப்பதற்கும் அதன் அழகியலைப் பராமரிப்பதற்கும் ஒரு பெரிய பொறுப்பைக் கொண்டுள்ளனா்.

இன்று (ஞாயிற்றுக்கிழமை) தௌலாகுவான் - ஐஜிஐ சாலையில் இந்தப் பணியாளா்களுடன் மதிய உணவு சாப்பிட்டு, நகரின் மேம்பாடு மற்றும் அழகாக மாற்றியமைக்கும் அவா்களின் முயற்சிகளுக்கு பாராட்டு தெரிவித்தேன்’ என்று தெரிவித்தாா். இத்துடன் அவா் சில புகைப்படங்களையும் பகிரிந்துள்ளாா்.

விமான நிலையத்துக்கு அருகில் உள்ள ஒரு கி.மீ. நீளத்தை அழகுபடுத்தும் பணியானது, தில்லி மாநகராட்சி (எம்சிடி), பொதுப்பணித் துறை, தில்லி ஜல் போா்டு உள்ளிட்ட பல அரசு நிறுவனங்களின் கூட்டு முயற்சியுடன் செயல்படுத்தப்பட்டு வருகிறது.

இந்த ஆய்வின்போது, தில்லி தலைமைச் செயலாளா் நரேஷ் குமாா் உள்ளிட்ட பிற மூத்த அதிகாரிகள் பங்கேற்று, நடைபாதையின் மீதமுள்ள பகுதிகளில் மேற்கொள்ளப்பட்டு வரும் தோட்டப் பணிகளைப் பாா்வையிட்டனா்.

இந்தத் திட்டத்தின் கீழ், பல்வேறு வகையான பூக்கும் மற்றும் அலங்காரச் செடிகளைக் கொண்டு பணிகள் மேற்கொள்ளப்பட்டு வருகின்றன. வாகனப் போக்குவரத்துக்கும் பாதசாரிகளுக்கும் இடைவெளியை ஏற்படுத்தும் வகையில் செடிகள் சீரான முறையில் பராமரிக்கப்பட்டு, நடைபாதைகள் அமைக்கப்படுகின்றன என்று அறிக்கையில் தெரிவிக்கப்பட்டுள்ளது.

மே 26-ஆம் தேதி தில்லியின் துணைநிலை ஆளுராக பதவியேற்ற உடனேயே, சக்சேனா இந்த பகுதியை பாா்வையிட்ட பிறகு அழகியல் மேம்படுத்தல் திட்டம் கருத்தாக்கப்பட்டது.

சக்சேனா தனது ஆய்வின்போது, தில்லிக்கு வரும் பாா்வையாளா்கள், சுற்றுலாப் பயணிகள் அல்லது உயரதிகாரிகளால் கடந்து செல்லும் சாலையில், அனைத்து காலநிலைகளுக்கும் ஏற்ற பூச்செடிகளை இயற்கை வடிவில் நடுவதன் மூலம், மேம்பட்ட அழகியல் தரம், வடிவமைப்பில் சமச்சீா் மற்றும் தோட்டக்கலை மாற்றத்தை உறுதி செய்வதற்கான அறிவுறுத்தல்களையும் வழங்கினாா் என்பது குறிப்பிடத்தக்கது.