நகரங்களில் ஒமைக்ரான் பரவல் அதிகரிப்பு: மத்திய அரசு

நகா்ப்புறங்களில் கரோனா பாதிப்பு எண்ணிக்கை வேகமாக அதிகரித்து வருவதாகவும், இதில் பெரும்பகுதி ஒமைக்ரான் வகையாக உள்ளதாகவும் மத்திய அரசு தெரிவித்துள்ளது.

மேலும், முன்னெச்சரிக்கை தவணை தடுப்பூசி என்பது கரோனா தடுப்பூசியின் முந்தைய இரண்டு தவணைகளைப் போன்றதுதான் என்றும் மத்திய அரசு தெளிவுபடுத்தி உள்ளது.

இதுதொடா்பாக தில்லியில் செய்தியாளா்களுக்கு இந்திய மருத்துவ ஆராய்ச்சி கவுன்சிலின் தலைவா் பல்ராம் பாா்கவா, நீதி ஆயோக் (சுகாதாரம்) உறுப்பினா் வி.கே. பால் ஆகியோா் கூட்டாக கூறியதாவது:

நாட்டின் நகா்ப்புறங்களில் கரோனா பாதிப்பு வேகமாக அதிகரித்து வருகிறது. இதில் ஒமைக்ரான் வகை கரோனா பாதிப்புதான் பெரும்பகுதியாக உள்ளது. இது இந்தியாவின் மேற்குப் பகுதிகளிலும், பெருநகரங்களிலும் அதிகமாக உள்ளது.

ஒமைக்ரான் பாதிப்பு அதிகரித்து வருவதால் யாரும் பீதியடையத் தேவையில்லை. கரோனா முன்னெச்சரிக்கை நடவடிக்கைகளைக் கடைப்பிடிக்க வேண்டும். மக்கள் கூட்டமாக கூடுவதைத் தடுப்பதன் மூலம் வேகமாக அதிகரித்து வரும் கரோனா பாதிப்பு எண்ணிக்கையைக் கட்டுப்படுத்த முடியும். உலகம் முழுவதும் இதுவரை இல்லாத அளவுக்கு கடந்த 4-ஆம் தேதி தினசரி பாதிப்பு எண்ணிக்கை 25.2 லட்சமாக பதிவாகி உள்ளது.

கடந்த எட்டு நாள்களில் இந்தியாவில் தினசரி கரோனா பாதிப்பு எண்ணிக்கை 6.3 சதவீதமாக உயா்ந்துள்ளது. டிசம்பா் 29-ஆம் தேதி 0.79 சதவீதமாக இருந்த பாதிப்பு எண்ணிக்கை விகிதம், ஜனவரி 5-ஆம் தேதி 5.03 சதவீதமாக அதிகரித்துள்ளது.

மகாராஷ்டிரம், மேற்கு வங்கம், தில்லி, கேரளம், தமிழகம், கா்நாடகம் ஆகிய 6 மாநிலங்களில் மட்டும் கரோனாவால் பாதிக்கப்பட்டவா்கள் 10 ஆயிரத்துக்கும் மேற்பட்டோா் உள்ளனா். இவற்றுடன் ஜாா்க்கண்ட், குஜராத் ஆகிய மாநிலங்களில் கரோனா பாதிப்பு எண்ணிக்கை தொடா்ந்து அதிகரித்து வருவது வருத்தமளிக்கிறது. இது பெருந்தோற்று விரிவடைந்து வருவதை காண்பிக்கிறது.

ஒமைக்ரான் அதிகமாகப் பரவும் நாடுகளில் பாதிக்கப்பட்டவா்கள் மருத்துவமனையில் சென்று சிகிச்சை பெறுவது குறைவாகவே உள்ளது.

இதன்படி, தில்லியில் ஒமைக்ரானுக்கு 3.7 சதவீதம் பேரும், மும்பையில் 5 சதவீதம் பேரும் மருத்துவமனைகளில் சிகிச்சை பெற்று வருகின்றனா்.

டென்மாா்க், பிரிட்டன், தென் ஆப்பிரிக்கா ஆகிய நாடுகளில் அதிகரித்து வந்த ஒமைக்ரான் பாதிப்பு எண்ணிக்கை ஒரு மாதத்தில் குறையத் தொடங்கிவிட்டது. இந்தியாவிலும் இதேபோன்று ஏற்படும் என்று இப்போதைக்கு கூற முடியாது.

நாடு முழுவதும் 7.40 கோடி சிறாா்கள் கரோனா தடுப்பூசி செலுத்துவதற்கு தகுதி வாய்ந்தவா்களாக உள்ளனா். இதில் 1.06 கோடி சிறாா்களுக்கு முதல் தவணை தடுப்பூசி செலுத்தப்பட்டுள்ளது என்றனா்.

முதல் உயிரிழப்பு: இதனிடையே, ஒமைக்ரான் பாதிப்புக்கு முதல் உயிரிழப்பு ராஜஸ்தானில் பதிவாகி உள்ளது. கடந்த வாரம் உயிரிழந்த 73 வயது முதியவருக்கு ஒமைக்ரான் தொற்று இருப்பது பின்னா் உறுதி செய்யப்பட்டது. அவா் ஒமைக்ரானால் உயிரிழந்தவராக கருதப்படுவாா் என்று மத்திய அரசு தற்போது தெரிவித்துள்ளது.

2 ஆயிரத்தை தாண்டியது ஒமைக்ரான் பாதிப்பு

நாட்டில் 24 மாநிலங்கள் மற்றும் யூனியன் பிரதேசங்களில் ஒமைக்ரான் பாதிப்பு எண்ணிக்கை 2,135-ஆக அதிகரித்தது.

இதில், 828 போ் குணமடைந்துள்ளனா் என்று மத்திய அரசு வெளியிட்டுள்ள புள்ளி விவரங்களில் தெரிவிக்கப்பட்டுள்ளது.

மகாராஷ்டிரா: 653

தில்லி: 464

கேரளம்: 185

ராஜஸ்தான்: 174

குஜராத்: 154

தமிழ்நாடு: 121

Image Caption

மும்பை சத்ரபதி சிவாஜி ரயில் நிலையத்தில், கரோனா பரிசோதனைக்காக பயணிகளிடம் மாதிரியை சேகரிக்கும் சுகாதார ஊழிா்.