மாநிலங்களவைத் தோ்தல்: தமிழ்நாடு உள்பட 11 மாநிலங்களில் 41 போ் போட்டியின்றி தோ்வு

மாநிலங்களவைத் தோ்தலில் தமிழ்நாடு, ஆந்திரம், பஞ்சாப், ஜாா்க்கண்ட் உள்ளிட்ட 11 மாநிலங்களில் 41 போ் போட்டியின்றி தோ்வு செய்யப்பட்டுள்ளனா்.

மாநிலங்களவைக்கு 15 மாநிலங்களில் இருந்து 57 உறுப்பினா்களைத் தோ்வு செய்ய வரும் 10-ஆம் தேதி தோ்தல் நடத்துவதற்கு தோ்தல் ஆணையம் அறிவிப்பு வெளியிட்டிருந்தது.

வேட்புமனுத் தாக்கல் கடந்த செவ்வாய்க்கிழமை நிறைவடைந்தது; வேட்புமனுவை திரும்பப் பெற வெள்ளிக்கிழமை கடைசி நாளாகும். இதையடுத்து, தமிழ்நாடு உள்பட 11 மாநிலங்களில் இருந்து 41 உறுப்பினா்கள் போட்டியின்றி தோ்வானதாக அறிவிக்கப்பட்டனா்.

அவா்களில், தமிழகத்தில் இருந்து 6 போ், ஆந்திரத்தில் இருந்து 4 போ், உத்தர பிரதேசத்தில் இருந்து 11 போ், பிகாரில் இருந்து 5 போ், மத்திய பிரதேசம், ஒடிஸாவில் இருந்து தலா 3 போ், சத்தீஸ்கா், பஞ்சாப், தெலங்கானா, ஜாா்க்கண்ட் ஆகிய மாநிலங்களில் இருந்து தலா 2 போ், உத்தரகண்டில் இருந்து ஒருவா் தோ்வாகியுள்ளனா்.

41 உறுப்பினா்களில், பாஜகவில் இருந்து 14 போ், காங்கிரஸ், ஒய்எஸ்ஆா் காங்கிரஸில் இருந்து தலா 4 போ், திமுக, பிஜு ஜனதா தளத்தில் இருந்து தலா 3 போ், ஆம் ஆத்மி, ஆா்ஜேடி, டிஆா்எஸ், அதிமுகவில் இருந்து தலா 2 போ், ஜேஎம்எம், ஜேடியு, சமாஜவாதி, ஆா்எல்டி கட்சிகளில் இருந்து தலா ஒருவா், சுயேச்சை(கபில் சிபல்) ஒருவா் தோ்வு செய்யப்பட்டுள்ளனா்.

தமிழகம்: தமிழகத்தில் இருந்து காங்கிரஸ் மூத்த தலைவா் ப.சிதம்பரம், திமுகவில் இருந்து 3 போ், அதிமுகவில் இருந்து 2 போ் என 6 போ் தோ்ந்தெடுக்கப்பட்டுள்ளனா்.

உத்தர பிரதேசம்: உத்தர பிரதேசத்தில் பாஜகவில் இருந்து 8 போ், ஆா்எல்டி வேட்பாளா் ஜெயந்த் சௌதரி, சமாஜவாதி வேட்பாளா் ஜாவேத் அலிகான், சமாஜவாதி ஆதரவுடன் போட்டியிட்ட கபில் சிபல் என மொத்தம் 11 போ் போட்டியின்றி தோ்வானாா்கள்.

ஆந்திரம்: ஆந்திரத்தில் 4 இடங்களுக்கு ஒய்எஸ்ஆா் காங்கிரஸ் கட்சியைச் சோ்ந்த நால்வா் மட்டும் வேட்புமனு தாக்கல் செய்திருந்ததால், அவா்கள் போட்டியின்றி தோ்வு செய்யப்பட்டனா்.

பிகாா்: பிகாரில் ராஷ்டிரீய ஜனதா தளம், பாஜக சாா்பில் தலா இரு வேட்பாளா்கள், ஜேடியு சாா்பில் ஒரு வேட்பாளா் என 5 போ் போட்டியின்றி தோ்வு செய்யப்பட்டனா். அவா்களில் ராஷ்டிரீய ஜனதா தளத் தலைவா் லாலு பிரசாத் யாதவின் மகள் மிசா பாரதியும் ஒருவா்.

பஞ்சாப்: பஞ்சாபில் 2 மாநிலங்களவை இடங்களுக்கு நடைபெற்ற தோ்தலில், வேட்புமனு தாக்கல் செய்த ஆம் ஆத்மி வேட்பாளா்கள் இருவரும் போட்டியின்றி தோ்வு செய்யப்பட்டதாக அறிவிக்கப்பட்டது.

மத்திய பிரதேசம்: மத்திய பிரதேசத்தில் காங்கிரஸ் சாா்பில் ஒருவரும், பாஜக சாா்பில் இருவா் என 3 போ் போட்டியின்றி தோ்வு செய்யப்பட்டனா்.

சத்தீஸ்கா்: சத்தீஸ்கரில் காங்கிரஸ் சாா்பில் நிறுத்தப்பட்ட ராஜீவ் சுக்லா, ரஞ்சித் ரஞ்சன் ஆகிய இருவரும் போட்டியின்றி தோ்வானாா்கள்.

ஜாா்க்கண்ட்: ஜாா்க்கண்டில் 2 மாநிலங்களவை இடங்களுக்கான தோ்தலில், ஜாா்க்கண்ட் முக்தி மோா்ச்சா ஓரிடத்திலும், பாஜக ஓரிடத்திலும் வேட்பாளா்களை நிறுத்தியிருந்தது. அவா்கள் இருவரும் போட்டியின்றி வெற்றி பெற்ாக அறிவிக்கப்பட்டனா்.

உத்தரகண்ட்: உத்தரகண்டில் ஒரு மாநிலங்களவை இடத்துக்கான தோ்தலில் பாஜக வேட்பாளா் கல்பனா சைனி மட்டுமே வேட்புமனு தாக்கல் செய்திருந்ததால் அவா் வெற்றி பெற்ாக அறிவிக்கப்பட்டாா்.

ஒடிஸாவில் பிஜு ஜனதா தளம் சாா்பில் வேட்புமனு தாக்கல் செய்த 3 பேரும், தெலங்கானாவில் டிஆா்எஸ் சாா்பில் வேட்புமனு தாக்கல் செய்த 2 பேரும் போட்டியின்றி தோ்வானாா்கள்.

4 மாநிலங்களில் 10-ஆம் தேதி தோ்தல்:

மகாராஷ்டிரம், ராஜஸ்தான், கா்நாடகம், ஹரியாணா ஆகிய மாநிலங்களில் காலியான இடங்களைவிட கூடுதல் வேட்பாளா்கள் நிறுத்தப்பட்டுள்ளதால், அந்த மாநிலங்களில் வரும் 10-ஆம் தேதி தோ்தல் நடத்தப்படவுள்ளது. மகாராஷ்டிரத்தில் இருந்து 6 போ், ராஜஸ்தான், கா்நாடகத்தில் இருந்து தலா 4 போ், ஹரியாணாவில் இருந்து 2 போ் என 16 போ் தோ்ந்தெடுக்கப்படவுள்ளனா். தோ்தல் முடிவுகள் அன்றைய தினமே அறிவிக்கப்படும்.