ஹிமாச்சலில் 11 மணி நிலவரப்படி 17.98 % வாக்குகள் பதிவு!

ஹிமாச்சல பிரதேசத்தில் காலை 11 மணி நிலவரப்படி 17.98 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது. 

ஹிமாசல பிரதேச சட்டப்பேரவைத் தோ்தல் வாக்குப்பதிவு இன்று காலை 8 மணிக்குத் தொடங்கி நடைபெற்று வருகிறது. 

68 தொகுதிகள் கொண்ட ஹிமாசல பிரதேச சட்டப்பேரவைக்கான தோ்தல் ஒரேகட்டமாக இன்று(நவ. 12) நடைபெறுகிறது. 

படிக்க: இந்தியாவில் 833 ஆக குறைந்த கரோனா பாதிப்பு!

மாநிலம் முழுவதும் அமைக்கப்பட்டுள்ள 7,884 வாக்குச் சாவடி மையங்களில் வாக்குப்பதிவு காலை 8 மணிக்கு தொடங்கிய நிலையில், மாலை 5 மணிக்கு நிறைவடைகிறது.

இந்த வாக்குச் சாவடிகளில் 789 மையங்கள் பதற்றமானவையாகவும், 397 வாக்குச் சாவடிகள் மிகவும் பதற்றமானவையாகவும் அடையாளம் காணப்பட்டுள்ளன.

டிசம்பர் 8 ஆம் தேதி வாக்கு எண்ணிக்கை நடைபெற உள்ளது.