கேதாா்நாத், பத்ரிநாத் கோயில்களில் பிரதமா் மோடி வழிபாடு

 உத்தரகண்டில் உள்ள கேதாா்நாத், பத்ரிநாத் கோயில்களில் பிரதமா் நரேந்திர மோடி வழிபாடு நடத்தினாா்.

உத்தரகண்டுக்கு வெள்ளிக்கிழமை சென்றடைந்த பிரதமா் மோடியை மாநில ஆளுநா் குா்மீத் சிங், முதல்வா் புஷ்கா் சிங் தாமி, மத்திய அமைச்சா் அஜய் பட் ஆகியோா் டேராடூன் விமான நிலையத்துக்கு நேரில் சென்று வரவேற்றனா். அதையடுத்து புகழ்பெற்ற கேதாா்நாத், பத்ரிநாத் கோயில்களுக்குச் சென்று அவா் வழிபாடு நடத்தினாா். கோயில்களில் நடைபெற்ற சிறப்பு பூஜைகளிலும் அவா் பங்கேற்றாா்.

பிரதமா் மோடியின் வருகை காரணமாக இரு கோயில்களிலும் பாதுகாப்பு ஏற்பாடுகள் பலப்படுத்தப்பட்டிருந்தன. கோயில்கள் முழுவதும் பூக்களால் சிறப்பாக அலங்கரிக்கப்பட்டிருந்தன. மலைவாழ் மக்களின் பாரம்பரிய ஆடைகளை அவா் அணிந்திருந்தாா்.

கேதாா்நாத்தில் அமைந்துள்ள ஆதிகுரு சங்கராச்சாரியாரின் சமாதி ஸ்தலத்துக்குச் சென்ற பிரதமா் மோடி, அங்கு சில நிமிஷங்கள் இருந்தாா். கௌரிகுண்ட்-கேதாா்நாத் கோயில் வளாகம் இடையே 9.7 கி.மீ. நீளமுள்ள கயிற்றுப் பாலத்தை அமைப்பதற்கான திட்டத்துக்கும் பிரதமா் மோடி அடிக்கல் நாட்டினாா். அந்தப் பாலம் வாயிலாக கௌரிகுண்ட் பகுதியில் இருந்து பக்தா்கள் அரை மணி நேரத்தில் கேதாா்நாத் கோயிலை அடைய முடியும்.

பத்ரிநாத் கோயிலில் நடைபெற்று வரும் வளா்ச்சித் திட்டப் பணிகள் குறித்தும் பிரதமா் மோடி ஆய்வு செய்தாா். இரு நாள்கள் உத்தரகண்டில் சுற்றுப் பயணம் மேற்கொள்ளும் பிரதமா் மோடி, பல்வேறு வளா்ச்சித் திட்டப் பணிகள் குறித்து ஆய்வு மேற்கொள்ள இருக்கிறாா். மேலும் பல்வேறு திட்டங்களுக்கு அடிக்கல்லும் நாட்டவுள்ளாா்.