கோவா: பாஜகவில் இணைந்த 8 காங்கிரஸ் எம்எல்ஏக்கள்!

கோவாவில் காங்கிரஸ் எம்எல்ஏக்கள் 8 பேர் இன்று பாஜகவில் இணைந்தனர்.

கோவாவில் நடந்த முடிந்த சட்டப்பேரவைத் தேர்தலில் பாஜக அதிக இடங்களை வென்று ஆட்சியைப் பிடித்தது. முதல்வராக பிரமோத் சாவந்த் செயல்பட்டு வருகிறார்.

இதையும் படிக்க: சாமானிய மக்களிடமிருந்து மிக விலகி நிற்கிறார் நிதியமைச்சர்:  ப.சிதம்பரம்

இந்நிலையில், கோவா காங்கிரஸின் எம்எல்ஏக்களான  திகம்பர் காமத், மைக்கேல் லோபோ, டெலிலா லோபோ, ராஜேஷ் பால்தேசாய், கேதார் நாயக், சங்கல்ப் அமோன்கர், அலிக்சோ செக்வேரா மற்றும் ருடால்ப் பெர்னாண்டஸ் உள்ளிட்ட 8 பேர் இன்று பாஜகவில் இணைந்தனர்.

40 இடங்களைக் கொண்ட கோவா சட்டப்பேரவையில் காங்கிரஸ் கட்சியில் 11 எம்எல்ஏக்கள் இருந்தனர். தற்போது, 8 பேர் விலகியுள்ளதால் காங்கிரஸின் பலம் 3-எம்எல்ஏக்களாகக் குறைந்தது.

கட்சியில் சேர்ந்தபின் முதல்வர் பிரமோத் சாவந்தையும் சந்தித்து வாழ்த்துகளைப் பெறுவார்கள் என்றும் தகவல் வெளியாகியுள்ளது.