2029-க்குள் பாஜக ஆளும் மாநிலங்களில் பொது சிவில் சட்டம்: அமித் ஷாதொடர் விடுமுறை: செப். 14, 15 தேதிகளில் 3,565 சிறப்புப் பேருந்துகள் இயக்கம்தமிழக வரலாற்றில் இதுபோன்ற டம்மி முதல்வரை பார்த்ததில்லை: உதயநிதிதமிழ்நாட்டில் இனி யார் ஆட்சிக்கு வந்தாலும் கூட்டணி ஆட்சிதான்: திருமாவளவன்விநாயகர் சதுர்த்தி: நாகர்கோவில் - தாம்பரம் நாளை சிறப்பு ரயில் அறிவிப்பு

கேரளம்: விதிகளை மீறி கட்டப்பட்ட ரிசார்ட்டினை தகர்க்கும் பணிகள் தொடக்கம்

கேரளத்தில் வேம்பநாடு ஏரியில் உள்ள சிறியத் தீவில் கடலோர ஒழுங்கு முறை மண்டல விதிமுறைகளை மீறிக் கட்டப்பட்ட ரிசார்ட்டினை இடிக்கும் பணிகள் தொடங்கியுள்ளன.

Published On :

கேரளத்தில் வேம்பநாடு ஏரியில் உள்ள சிறியத் தீவில் கடலோர ஒழுங்கு முறை மண்டல விதிமுறைகளை மீறிக் கட்டப்பட்ட ரிசார்ட்டினை இடிக்கும் பணிகள் தொடங்கியுள்ளன.

54 உயர்தர தங்கும் அறைகளுடன் கூடிய இந்த காபிகோ ரிசார்ட் வளாகம் நெடியதுருத் தீவில் அமைந்துள்ளது. இந்த உயர்தர ரிசார்ட்டினை இடிப்பதற்கான ஆணையை கடந்த 2020ஆம் ஆண்டு ஜனவரியில் உச்ச நீதிமன்றம் பிறப்பித்தது.

தற்போது விதிகளை மீறிக் கட்டப்பட்டுள்ள இந்த ரிசார்ட்டினை இடிக்கும் பணிகள் தொடங்கியுள்ளன. இந்தப் பணிகள் ஆலப்புழா மாவட்டத்தின் ஆட்சியர் கிருஷ்ண தேஜா மற்றும் துணை ஆட்சியர் சூரஜ் சாஜி ஆகியோர் மேற்பார்வையில் தொடங்கியுள்ளது. இந்த ரிசார்ட்டினை தகர்ப்பதற்கான செலவுகள் குறித்த விவரங்கள் இன்னும் 6 மாதத்தில் தயாராகும் எனத் தெரிவிக்கப்பட்டுள்ளது. இந்த ரிசார்ட்டினை தகர்ப்பதற்கான செலவுகளை அதன் உரிமையாளர்களே ஏற்றுக் கொள்வார்கள் எனவும் தெரிவிக்கப்பட்டுள்ளது. அதே நேரம், கட்டடம் தகர்க்கப்படும்போது ஏற்படும் இடிபாடுகளால் கண்டிப்பாக நீர்நிலைகள் மற்றும் சுற்றுச் சூழலுக்கு எந்த ஒரு பாதிப்பும் ஏற்படக் கூடாது எனவும் அறிவுறுத்தப்பட்டுள்ளது.

7 ஏக்கர் பரப்பில் விதிமுறைகளை மீறிக் கட்டப்பட்டுள்ள இந்த ஆடம்பர ரிசார்ட்டினை தகர்க்க அதன் உரிமையாளர்கள் கடந்த திங்கள் கிழமையன்று ( செப்டம்பர் 12)  ஒப்புக் கொண்டனர். இதனையடுத்து, ரிசார்ட்டினை தகர்ப்பதற்கான பணிகள் தொடங்கியுள்ளது குறிப்பிடத்தக்கது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.