சிபிஎஸ்இ 10 ஆம் வகுப்பு தேர்வு முடிவுகள் இன்று(வெள்ளிக்கிழமை) வெளியிடப்பட்டுள்ளன.
சிபிஎஸ்இ 12 ஆம் வகுப்பு தேர்வு முடிவுகள் இன்று காலை வெளியான நிலையில், இன்று பிற்பகல் 10 ஆம் வகுப்பு முடிவுகளும் வெளியிடப்பட்டுள்ளன.
மாணவர்கள் தேர்வு முடிவுகளை https://cbseresults.nic.in/ என்ற இணையதளத்தில் காணலாம்.
சிபிஎஸ்இ 10 ஆம் வகுப்பு தேர்வில் 94.40% மாணவர்கள் தேர்ச்சி பெற்றுள்ளனர். 64,908 மாணவ, மாணவிகள் 95%-க்கும் அதிகமான மதிப்பெண்களைப் பெற்றுள்ளனர்.
இதில், 99.68% தேர்ச்சியுடன் திருவனந்தபுரம் மண்டலம் முதலிடத்தைப் பிடித்துள்ளது. 99.22% தேர்ச்சியுடன் பெங்களூரு மண்டலம் இரண்டாமிடமும், 98.97% தேர்ச்சியுடன் சென்னை மூன்றாமிடமும் பெற்றுள்ளது.
கடந்த ஏப்ரல் 26 முதல் மே 24 வரை சிபிஎஸ்இ 10 ஆம் வகுப்புக்கான இரண்டாம் பருவத் தேர்வுகள் நடைபெற்றது குறிப்பிடத்தக்கது.