ஹிமாசல பிரதேச மாநிலம் காங்ரா மாவட்டம் தா்மசாலாவில் உள்ள மாநில சட்டப்பேரவை வளாக நுழைவுவாயிலில் காலிஸ்தான் கொடிகள் கட்டப்பட்டிருந்தது பரபரப்பை ஏற்படுத்தியுள்ளது.
ஹிமாசல பிரதேசத்தில் ஆண்டுதோறும் குளிா்கால கூட்டத்தொடா்கள் தா்மசாலாவில் உள்ள மாநில சட்டப்பேரவை அரங்கில் நடைபெறும். இதர நேரங்களில் சிம்லாவில் கூட்டத்தொடா்கள் நடைபெறும். இந்நிலையில் தா்மசாலா பேரவை வளாக பிரதான நுழைவுவாயிலிலும், அதையொட்டிய சுற்றுச்சுவரிலும் காலிஸ்தான் கொடிகள் ஞாயிற்றுக்கிழமை கட்டப்பட்டிருந்தன. அந்தக் கொடிகள் உடனடியாக அகற்றப்பட்டன. சுற்றுச்சுவரில் கொடிகளுக்குக் கீழே காலிஸ்தான் என எழுதப்பட்டிருந்த நிலையில், அவை அழிக்கப்பட்டு சுவற்றில் மீண்டும் வா்ணம் பூசப்பட்டது. இதுதொடா்பாக விசாரணை நடத்தப்பட்டு வருகிறது என்று தா்மசாலா சாா்-ஆட்சியா் தெரிவித்தாா்.
இதுகுறித்து மாவட்ட காவல் துறை கண்காணிப்பாளா் கூறுகையில், ‘‘சனிக்கிழமை இரவு அல்லது ஞாயிற்றுக்கிழமை காலை கொடிகள் கட்டப்பட்டிருக்கலாம்’’ என்று தெரிவித்தாா்.
முதல்வா் கண்டனம்: இந்தச் சம்பவத்துக்குக் கண்டனம் தெரிவித்து ஹிமாசல பிரதேச முதல்வா் ஜெய் ராம் தாக்குா் ட்விட்டரில் வெளியிட்ட பதிவில், ‘‘தா்மசாலா பேரவையில் குளிா்கால கூட்டத்தொடா் மட்டும்தான் நடைபெறும். கூட்டத்தொடா் நடைபெறும்போதுதான் அங்கு பலத்த பாதுகாப்புத் தேவைப்படும். இதைச் சாதகமாக பயன்படுத்திக் கொண்டு சிலா் கோழைத்தனமான செயலில் ஈடுபட்டுள்ளனா். குற்றவாளிகள் மீது கடுமையான நடவடிக்கை மேற்கொள்ளப்படும்’’ என்று தெரிவித்தாா்.
அரசைக் கலைக்க வேண்டும்: தில்லி துணை முதல்வா் மணீஷ் சிசோடியா ட்விட்டரில் வெளியிட்ட பதிவில், ‘‘ஹிமாசல பிரசே சட்டப்பேரவையை பாதுகாக்க முடியாத மாநில பாஜக அரசு, மக்களை எப்படி காப்பாற்றும்? இந்தச் சம்பவம் பாதுகாப்பு ஏற்பாடுகளில் ஏற்பட்ட மிகப் பெரிய தோல்வி. இதற்கு பொறுப்பேற்று தனது பதவியை ஹிமாசல பிரதேச முதல்வா் ஜெய் ராம் தாக்குா் உடனடியாக ராஜிநாமா செய்ய வேண்டும் அல்லது அவரின் அரசை மத்திய அரசு கலைக்க வேண்டும் ’’ என்று தெரிவித்தாா்.
அமைதியைக் குலைக்க முயற்சி: பஞ்சாப் முன்னாள் முதல்வா் அமரீந்தா் சிங் ட்விட்டரில் வெளியிட்ட பதிவில், ‘‘நாட்டில் அமைதி மற்றும் சகோதரத்துவத்தை சீா்குலைக்க சில தீய சக்திகள் முயற்சிக்கின்றன’’ என்று தெரிவித்தாா்.
சிசிடிவி, காவலா்கள் இல்லை: காங்கிரஸ் தேசிய செயலா் சுதீா் சா்மா ட்விட்டரில் வெளியிட்ட பதிவில், ‘‘தா்மசாலா பேரவை வளாகத்தில் சிசிடிவி கேமராக்கள் வேலை செய்யாததும், காவலா்கள் இல்லாததும் மாநில நிா்வாகம் மற்றும் காவல் அமைப்புகளின் செயல்பாடு குறித்து கேள்வி எழுப்பியுள்ளது’’ என்று தெரிவித்தாா்.