தெலங்கானா: ஆளும் பி.ஆர்.எஸ். கட்சிக்கு பின்னடைவு!

தெலங்கானாவில் சந்திரசேகர ராவின் பாரதிய ராஷ்டிரிய சமிதி கட்சி பின்னடைவை சந்தித்துள்ளது.

தெலுங்கானா வாக்கு எண்ணிக்கையில் தற்போதைய நிலவரப்படி, காங்கிரஸ் கட்சி முன்னிலையில் உள்ளது.  காங்கிரஸ் 40 இடங்களிலும், பிஆர்எஸ் 24 இடங்களிலும் பாஜக 4 இடங்களிலும், மற்றவை 1 இடத்திலும் முன்னிலையில் இருக்கின்றன.

தென் மாநிலமான தெலங்கானாவில் மொத்தமுள்ள 119 தொகுதிகளுக்கு கடந்த மாதம் 30-ஆம் தேதி ஒரே கட்டமாக தோ்தல் நடைபெற்றது.

3.26 கோடி வாக்காளா்களைக் கொண்ட இந்த மாநிலத்தில் 71.34 சதவீத வாக்குகள் பதிவாகின. ஆளும் பாரத ராஷ்டிர சமிதி (பிஆா்எஸ்), காங்கிரஸ், பாஜக என மும்முனைப் போட்டி நிலவி வருகிறது.

இதையும் படிக்க: வெற்றி பெற்றவுடன் 5 நட்சத்திர விடுதிக்கு வரவும்: கட்சிகளின் திட்டம்!

சந்திரசேகர ராவ் போட்டியிட்டுள்ள கஜ்வெல், காமரெட்டி ஆகிய இரு தொகுதிகளில் அவர் முன்னிலையில் உள்ளார்.