ராமர் கோயில் விழாவில் பங்கேற்க அத்வானி, ஜோஷிக்கு விஎச்பி அழைப்பு!

அயோத்தியில் நடைபெற உள்ள ராமர் கோயில் குடமுழுக்கு விழாவில் கலந்து கொள்ள பாஜக மூத்த தலைவர்கள் எல்.கே.அத்வானி மற்றும் முரளி மனோகர் ஜோஷி ஆகியோருக்கு விஎச்பி அமைப்பு அழைப்பு விடுத்துள்ளது.

ராம ஜென்மபூமி வழக்கில் உச்சநீதிமன்றம் கடந்த 2019-ஆம் ஆண்டு அளித்த தீா்ப்பைத் தொடா்ந்து கடந்த 2020 ஆகஸ்டில் பூமி பூஜை செய்யப்பட்டு, அயோத்தியில் ராமா் கோயில் கட்டுமானப் பணிகள் மும்முரமாக நடைபெற்று வருகின்றன.

2.27 ஏக்கா் பரப்பளவில் 3 அடுக்கில் உருவாகி வரும் ராமா் கோயிலின் கட்டுமானப் பணிகள் முடிவடையவுள்ள நிலையில், கோயில் கருவறையில் மூலவா் குழந்தை ராமா் சிலை வரும் ஜனவரி 22-ஆம் தேதி பிரதிஷ்டை செய்யப்பட உள்ளது.

இதையும் படிக்க | இனி அரசு பள்ளி ஆசிரியைகள் சுடிதார் அணியலாம்: அமைச்சர் அன்பில் மகேஸ்

இந்நிலையில், பாஜக மூத்த தலைவர்களான எல்.கே.அத்வானி, முரளி மனோகர் ஜோஷி ஆகிய இருவரும் ராமர் கோயில் கும்பாபிஷேக விழாவில் கலந்துகொள்ள வாய்ப்பில்லை என ராமர் கோயில் அறக்கட்டளை திங்கள்கிழமை தெரிவித்திருந்தது.

அவர்கள் இருவரின் வயதைக் கருத்தில்கொண்டு விழாவுக்கு வர வேண்டாம் என்று கோயில் அறக்கட்டளை கேட்டுக்கொண்டதாகவும், இதனை அத்வானி மற்றும் முரளி மனோகர் ஜோஷி இருவரும் ஏற்றுக்கொண்டதாகவும் ராமர் கோயில் அறக்கட்டளையின் பொதுச் செயலாளர் சம்பத் ராய் கூறியிருந்தார்.

ராமர் கோயில் அறக்கட்டளை திங்கள்கிழமை இவ்வாறு தெரிவித்திருந்த நிலையில் தற்போது விஷ்வ ஹிந்து பரிஷத் அமைப்பு அத்வானி மற்றும் ஜோஷி இருவரும் இந்த நிகழ்ச்சியில் கலந்து கொள்ள வேண்டும் என்று செவ்வாய்க்கிழமை தெரிவித்துள்ளது. 

இதையும் படிக்க | மத்திய அரசை 'ஒன்றிய அரசு' என மாற்றக்கோரிய மனுவை தள்ளுபடி செய்தது தில்லி உயர் நீதிமன்றம்!

விஎச்பியின் செயல் தலைவரான அலோக் குமார் வெளியிட்டுள்ள அறிக்கையில், “அயோத்தியில் ராமர் கோயிலில் நடைபெறும் ‘பிரான் பிரதிஷ்டா’ நிகழ்ச்சியில் கலந்து கொள்ள ராம் மந்திர் இயக்கத்தின் முன்னணியில் இருந்த லால் கிருஷ்ண அத்வானி மற்றும் முரளி மனோகர் ஜோஷி ஆகியோருக்கு விஎச்பி சார்பில் அழைப்பு விடுக்கப்பட்டுள்ளது.

இந்த நிகழ்வில் கலந்து கொள்ள அனைத்து முயற்சிகளையும் மேற்கொள்வதாக இரு தலைவர்களும் கூறினர்.” என்று தெரிவித்துள்ளார்.