பிகாரில் முதல்கட்ட சாதிவாரி கணக்கெடுப்பு நிறைவு: அடுத்தகட்ட பணிகள் தீவிரம்!

பிகாரில் மிகவும் எதிர்பார்க்கப்பட்ட சாதி அடிப்படையிலான மக்கள் தொகை கணக்கெடுப்பின் முதல் கட்ட பணி முடிந்து அதன் மிக முக்கியமான அடுத்த கட்டத்திற்கான பணிகள் ஏப்ரல் 1 ஆம் தேதி தொடங்க உள்ளதாக அதிகாரிகள் உறுதிப்படுத்தியுள்ளனர். 

பொருளாதாரத்தில் நலிவடைந்த பொதுப் பிரிவினருக்கு (இடபிள்யுஎஸ்) கல்வி, அரசு வேலைவாய்ப்புகளில் வழங்கப்படும் 10 சதவீத இடஒதுக்கீடு செல்லுபடியாகும் என உச்சநீதிமன்ற அரசியல் சாசன அமா்வு தீா்ப்பளித்தது. அமா்வில் இடம்பெற்றிருந்த 5 நீதிபதிகளில் 3 போ் 10 சதவீத இடஒதுக்கீடு செல்லும் என்றும், மற்ற இருவா் இடஒதுக்கீட்டுக்கு எதிராகவும் தீா்ப்பளித்தனா்.

“உச்சநீதி மன்றம் தீர்ப்பு வழங்கியிருப்பது முற்றிலும் சரி. ஆனால் சாதி அடிப்படையிலான மக்கள் தொகை கணக்கெடுப்பை நாங்கள் கோருகிறோம். சாதி அடிப்படையிலான மக்கள்தொகை கணக்கெடுப்பை நாங்கள் தொடங்கினோம். இது மக்களின் பொருளாதார நிலையையும் தெளிவுபடுத்தும் மற்றும் அவர்களுக்கான சிறந்த திட்டங்களை வழங்க முடியும். 

சாதி வாரி கணக்கெடுப்பு நடந்துவிட்டால் 50 சதவிகித இட ஒதுக்கீடு இன்னும் அதிகமாகலாம். இதற்கு மக்கள் தொகையின் அடிப்படையிலே தரப்பட வேண்டும். இதை பிகாரில் செய்து வருகிறோம், இது நாடு முழுவதும் செய்யப்பட வேண்டும். அதனால் 50 சதவிகித இட ஒதுக்கீடு அதிகரிக்கும் என பிகார் முதல்வர் நிதிஷ் குமார் தெரிவித்திருந்தார். 

இந்த நிலையில் பிகாரில் ஜனவரி 7ஆம் தேதி தொடங்கி இரண்டு கட்டங்களாக தொடங்கிய சாதி வாரி கணக்கெடுப்பு பணியின் தற்போது நடந்து வரும் மிகவும் எதிர்பார்க்கப்பட்ட சாதி அடிப்படையிலான மக்கள் தொகை கணக்கெடுப்பின் முதல் கட்டமாக வீடுகள் எண்ணும் பணி நடந்து முடிந்துள்ளது, இது ஜனவரி மாத இறுதிக்குள் மாவட்ட நிர்வாகங்கள் இறுதி அறிக்கையை அனுப்பும் என எதிர்பார்க்கப்படுகிறது.

சாதி அடிப்படையிலான மக்கள் தொகை கணக்கெடுப்பின் மிக முக்கியமான அடுத்த கட்டத்திற்கான பணிகள் ஏப்ரல் 1 ஆம் தேதி தொடங்கும். இரண்டாவது கட்டத்தில், மக்களின் சாதி மற்றும் அவர்களின் சமூக-பொருளாதார நிலைமைகள் குறித்த தகவல்கள் சேகரிக்கப்படும். இருப்பினும், அதற்கான படிவம் இறுதி செய்யப்படவில்லை என்று மாநில அரசின் மூத்த அதிகாரிகள் தெரிவித்தனர்.

கணக்கெடுப்புக்கான பொது நிர்வாகத் துறையின் (ஜிஏடி) அதிகாரி ஒருவர் கூறுகையில், "இரண்டாவது கட்டத்தில், ஒவ்வொரு குடும்பத்தின் தலைவரும் தாங்கள் வழங்கிய சாதி குறித்த தகவலுக்கு உறுதியளிக்க வேண்டிய கட்டாயம் இருக்கும். அதே வேளையில், ஒவ்வொரு கணக்கெடுப்பாளரும் ஒரு உதவியாளருடன் இருப்பார் - பெரும்பாலான சந்தர்ப்பங்களில் அவர் உள்ளூர் அங்கன்வாடி பணியாளர் அல்லது சாதியை அறிந்த சமூக சேவகராக இருப்பார். "இது எங்களுக்கு கூடுதல் உறுதித் தன்மையை" அளிப்பதாக இருக்கும் என்று ஒரு அதிகாரி கூறினார்.

மேலும், இரண்டாம் கட்டமாக நிலம், சொத்துரிமை, கல்வி, வேலைவாய்ப்பு, மொபைல் மற்றும் இணைய பயன்பாடு மற்றும் வருமானம் போன்ற விரிவான தகவல்களை சேகரிக்கும் என எதிர்பார்க்கப்படுகிறது. முழுமையான படிவத்தை இறுதி செய்வதற்கான பணிகள் நடைபெற்று வருகின்றன. பிப்ரவரி கடைசி வாரத்தில் படிவம் தயாராகிவிடும். 

பிகாரில் உள்ள 38 மாவட்டங்களில் உள்ள சுமார் 2.5 கோடி வீடுகளை 14 நாள்களில் கணக்கெடுக்கும் பணி ஏற்கனவே முடித்துவிட்ட நிலையில், இரண்டாம் கட்டத்திற்கான படிவத்தை மாநிலம் முழுவதிலும் உள்ள மாவட்ட நிர்வாகங்களின் புள்ளியியல் வல்லுநர்கள் எப்போது இறுதி செய்வார்கள் என்று தெரியவில்லை.  

"அடுத்த கட்ட கணக்கெடுப்புக்கான படிவம் குறித்த எந்த தகவலும் எங்களுக்கு இதுவரை வரவில்லை," என்று சஹர்சா மாவட்ட நிர்வாகத்தின் மூத்த அதிகாரி ஒருவர் கூறினார், அதே நேரத்தில் வைஷாலி மாவட்டத்தைச் சேர்ந்த மற்றொரு அதிகாரி, படிவத்தைப் பார்த்து தெரிந்துகொள்ள நேரம் தேவைப்படும் என்று கூறினார். 

"எங்கள் மாவட்டத்தில் மட்டும், 8,000 க்கும் மேற்பட்ட கணக்கெடுப்பாளர்கள் உள்ளனர், அவர்கள் படிவத்தைப் பற்றி விளக்க வேண்டும், அவர்கள் சேகரிக்கும் தகவல்களை எவ்வாறு சரிசெய்தல் மற்றும் வகைப்படுத்துவது என்பது குறித்து பயிற்சி அளிக்கப்பட வேண்டும்" என்று வைஷாலி மாவட்டத்தில் உள்ள அதிகாரி கூறினார்.

ஆனால், பொது நிர்வாகத் துறையின் (ஜிஏடி) இரண்டாம் கட்டத்திற்கான படிவத்தை இறுதி செய்வதால், மாவட்ட அதிகாரிகள் தங்கள் பணியை அவர்களுக்காக ஒதுக்கியுள்ளனர். கணக்கெடுப்பின் முதல் கட்ட இறுதி அறிக்கையை அனைத்து மாவட்டங்களும் அனுப்பியதும், ஒவ்வொன்றிலும் உள்ள புள்ளியியல் வல்லுநர்கள் எளிதாக பகுப்பாய்வு செய்ய ஒரு இணைய போர்ட்டலில் சேகரிக்கப்பட்ட தரவை உள்ளீடு செய்வார்கள். 

இந்த ஆண்டு மே மாத இறுதிக்குள் முழு கணக்கெடுப்பின் தரவு தயாராக இருக்க வேண்டும் என்று உத்தரவிடப்பட்டுள்ளதாக மாநில அரசின் மூத்த அதிகாரி ஒருவர் தெரிவித்தார்.

மூன்று பகுதிகளைக் கொண்ட முதல் கட்ட கணக்கெடுப்பு நகல் படிவத்தை கணக்கெடுப்பாளர்கள் நிரப்ப வேண்டும். இந்தப் படிவத்தின் ஒன்று மற்றும் இரண்டு பகுதிகள், ஒவ்வொரு மாவட்டத்திலும் உள்ள குடியிருப்பு கட்டடங்கள் - தொகுதி, ஊராட்சி மட்டம் வரை - அத்தகைய ஒவ்வொரு கட்டடத்திலும் வசிக்கும் குடும்பங்களின் எண்ணிக்கை, ஒவ்வொரு குடும்பத்தின் தலைவர் மற்றும் ஒவ்வொரு குடும்பத்தில் உள்ள உறுப்பினர்களின் எண்ணிக்கையும் பற்றிய தகவல்களைச் சேகரித்தது. படிவத்தின் மூன்றாம் பகுதி, வீடற்ற குடும்பங்களைப் பற்றிய இதே போன்ற தகவல்களைச் சேகரித்தது, அவர்கள் அந்த நேரத்தில் எங்கு வாழ்ந்தார்கள் மற்றும் அவர்கள் குறைந்தது ஆறு மாதங்களாவது அங்கு வாழ்ந்தார்களா என்பது கண்டறியப்பட்டுள்ளது.