நாடாளுமன்றத்தில் மழைக்கால கூட்டத்தொடர் தொடங்கியது!

பரபரப்பான அரசியல் சூழலில், நாடாளுமன்ற மழைக்கால கூட்டத்தொடா் இரு அவைகளிலும் தொடங்கியுள்ளது.

ஆகஸ்ட் 11-ஆம் தேதி வரை நடைபெறும் இக்கூட்டத் தொடரில், தனிநபா் தரவுப் பாதுகாப்பு மசோதா, வனப் பாதுகாப்பு சட்டத் திருத்த மசோதா, தில்லி அவசரச் சட்டம் தொடா்பான மசோதா உள்பட 32 மசோதாக்கள் தாக்கலாகவுள்ளன.

முதல் நாளான கூட்டம் தொடங்குவதற்கு முன்பே மணிப்பூர் வன்முறை குறித்து விவாதிக்கக் கோரி பல்வேறு எதிர்க்கட்சிகள் ஒத்திவைப்பு தீர்மானம் நோட்டீஸ் வழங்கப்பட்டுள்ளது.

மேலும், ஆளுநரை திரும்பப் பெறக் கோரி திமுகவும், தில்லி அவசரச் சட்ட மசோதாவுக்கு எதிராக ஆம் ஆத்மியும் நாடாளுமன்றத்தில் விவாதத்தை ஏற்படுத்த திட்டமிட்டுள்ளன.