தில்லி செல்லும் ரயில் வழக்கம் போல் இன்று இயக்கம்

திருவனந்தபுரத்திலிருந்து புது தில்லி செல்லும் ரயில் வியாழக்கிழமை (மாா்ச் 2) வழக்கம்போல் இயக்கப்படும்.

இதுகுறித்து தெற்கு ரயில்வே சாா்பில் புதன்கிழமை வெளியிடப்பட்ட செய்திக் குறிப்பு: கேரளத்தின் திருவனந்தபுரத்திலிருந்து புது தில்லிக்கு தினமும் விரைவு ரயில் (வண்டி எண்: 12625) இயக்கப்படுகிறது. உத்தர பிரதேச மாநிலம் ஆக்ரா பகுதியில் பராமரிப்புப் பணி நடைபெறுவதால் வியாழக்கிழமை (மாா்ச் 2) ஆக்ரா காண்ட், எத்மத்பூா், மிடாவலி, காஜியாபாத் வழியாக இயக்கப்படும் என தெரிவிக்கப்பட்டிருந்தது.

இந்த நிலையில், இந்த அறிவிப்பு ரத்து செய்யப்பட்டு வழக்கம்போல் இயக்கப்படும் எனத் தெரிவிக்கப்பட்டுள்ளது.