புதிய உச்சத்தில் தங்கம்!

புதுதில்லி: சர்வதேச உலோக விலைகளின் அதிகரிப்புக்கு மத்தியில் இன்று புதுதில்லியில் தங்கத்தின் விலை 10 கிராமுக்கு ரூ.150 உயர்ந்து ரூ.60,600ஆக வர்த்தகமானது என்று எச்.டி.எஃப்.சி செக்யூரிட்டீஸ் கமாடிட்டிஸ் மூத்த ஆய்வாளர் சவுமில் காந்தி தெரிவித்தார்.

அதே வேளையில் முந்தைய வர்த்தகத்தில், தங்கம் 10 கிராமுக்கு ரூ.60,450 ஆக இருந்தது. வெள்ளி கிலோவுக்கு ரூ.120 குறைந்து ரூ.77,580-க்கு விற்பனையானது.

சென்னையில் மே 5ம் தேதி வரலாறு காணாத விலையேற்றத்தைக் கண்ட தங்கம் ஒரு சவரன் ரூ.46,200 ஆக விற்பனையானது. அதன்படி, சென்னையில் இன்று (திங்கள்கிழமை) காலை நிலவரப்படி ஒரு சவரன் தங்கத்தின் விலை ரூ.144 அதிகரித்து ரூ.45,680-க்கும், கிராமுக்கு ரூ.19 அதிகரித்து ஒரு கிராம் ரூ.5,710-க்கும் விற்பனை செய்யப்படுகிறது. 

அதே வேளையில் வெளிநாட்டு சந்தையில், தங்கம் அவுன்ஸ் ஒன்றுக்கு 2,022 டாலராகவும், வெள்ளி அவுன்ஸ் ஒன்றுக்கு 25.65 டாலராகவும் வர்த்தகமானது.