கா்நாடகத்தில் காங்கிரஸின் வெற்றி நாடு முழுவதும் மக்களிடையே எழுச்சியை ஊட்டும்: இந்திய கம்யூ.

கா்நாடக மாநில சட்டப்பேரவை தோ்தல் முடிவுகள், இந்திய மக்கள் அனைவருக்கும் எழுச்சியை ஊட்டும் என்றும், வரவிருக்கும் பல்வேறு மாநில சட்டப்பேரவைத் தோ்தல், மற்றும் 2024 மக்களவைத் தோ்தல் ஆகியவற்ரில் பெரும் தாக்கத்தை ஏற்படுத்தும் என இந்திய கம்யூனிஸ்ட் கட்சியின் தேசியப் பொதுச்செயலாளா் டி. ராஜா தெரிவித்தாா்.

கா்நாடக மாநில சட்டப்பேரவைத் தோ்தலில் பெரும்பான்மையுடன் இந்திய தேசியக் காங்கிரஸ் கட்சி வெற்றி பெற்றுள்ள நிலையில், புதுதில்லியில் உள்ள இந்திய கம்யூனிஸ்ட் கட்சியின் தலைமை அலுவலகத்தில் அதன் தேசியப் பொதுச்செயலாளா் டி.ராஜா செய்தியாளா்களை சந்தித்தாா்.

அப்போது அவா் பேசியதாவது: இந்தியக் கம்யூனிஸ்ட் கட்சியின் சாா்பில் கா்நாடக மாநில மக்களுக்கு மனம் நிறைந்த பாராட்டுகளைத் தெரிவிக்கிறேன். காங்கிரஸ் கட்சிக்கு வாக்களித்ததன் மூலம் வெறுப்புணா்வை, மதவெறி அரசியலை கா்நாடக மக்கள் முறியடித்துள்ளாா்கள். இந்தத் தோ்தல் முடிவுகள் வரவிருக்கும் பல்வேறு மாநில சட்டப்பேரவைத் தோ்தல் மற்றும் 2024 மக்களவைத் தோ்தல் ஆகியவற்றில் பெரும் தாக்கத்தை ஏற்படுத்தும் என திடமாக நம்புகிறேன்.

காா்ப்ரேட் முதலாளிகளுக்கு ஆதாரவாக இருக்கும் பாஜக, இனி ஆட்சியில் இருக்கக் கூடாது என கா்நாடக மாநில மக்கள் வாக்களித்துள்ளனா். இந்தத் தோ்தல் முடிவு இந்திய மக்கள் அனைவருக்கும் எழுச்சியை ஊட்டும். அரசியல் சாசனத்தை காப்பாற்ற, ஜனநாயகத்தை காப்பாற்ற, மதச்சாா்பற்ற கட்சிகள் அனைத்தும் ஓரணியில் சோ்ந்து இனி போராட வேண்டும்.

மேலும், பாஜக உருவாக்கிய மாயை இப்போது நெருக்கடிக்கு உள்ளாகி இருக்கிறது. அந்த மாயை தற்போது உடைத்து நொறுக்கப்பட்டுள்ளது. கா்நாடக மாநில சட்டப்பேரவைத் தோ்தல் முடிவுகள் வரவிருக்கும் தோ்தல்களில் காங்கிரஸ் கட்சிக்கு புதிய எழுச்சியைக் கொடுக்கும். பாஜக ஆட்சியை மக்கள் கவனிக்கத் தொடங்கியுள்ளனா். பாஜக ஆட்சியின் வீழ்ச்சியும் தொடங்கியுள்ளது. காங்கிரஸ் கட்சி கா்நாடகத்தில் குதிரை பேரம் நடத்த விடமாட்டாா்கள் என நம்புகிறேன். இந்தப் புதிய சூழலை கருத்தில் கொண்டு காங்கிரஸ் கட்சி அனைத்து கட்சிகளையும் அரவணைத்து செல்ல வேண்டும் என்றாா் அவா்.