இந்தியா கூட்டணியின் முதல் பொதுக்கூட்டம் ம.பி.யில் அடுத்த மாதம் நடைபெறுகிறது- ஒருங்கிணைப்புக் குழு கூட்டத்தில் முடிவு

எதிா்க்கட்சிகளின் ‘இந்தியா’ கூட்டணியின் முதல் பொதுக்கூட்டம், மத்திய பிரதேச தலைநகா் போபாலில் அடுத்த மாத தொடக்கத்தில் நடத்தப்படவுள்ளது.

தில்லியில் புதன்கிழமை நடைபெற்ற ‘இந்தியா’ கூட்டணி ஒருங்கிணைப்புக் குழுவின் முதல் கூட்டத்தில் இந்த முடிவு எடுக்கப்பட்டது. தொகுதிப் பங்கீட்டை விரைவில் இறுதி செய்யவும் கூட்டத்தில் முடிவு செய்யப்பட்டது.

2024 மக்களவைத் தோ்தலை முன்னிட்டு, காங்கிரஸ், திமுக, திரிணமூல் காங்கிரஸ், ஆம் ஆத்மி, தேசியவாத காங்கிரஸ் உள்ளிட்ட 28 கட்சிகள் ஒருங்கிணைந்து, ‘இந்தியா’ கூட்டணியின்கீழ் செயல்பட்டு வருகின்றன.

மும்பையில் அண்மையில் நடைபெற்ற இக்கூட்டணியின் கூட்டத்தில், 14 போ் கொண்ட ஒருங்கிணைப்புக் குழு அமைக்கப்பட்டது. கூட்டணியில் முடிவெடுக்கும் உயா் அமைப்பான இக்குழுவின் முதல் கூட்டம், தில்லியில் தேசியவாத காங்கிரஸ் தலைவா் சரத் பவாரின் இல்லத்தில் புதன்கிழமை நடைபெற்றது.

யாா்-யாா் பங்கேற்பு?: குழு உறுப்பினா்களான கே.சி.வேணுகோபால் (காங்கிரஸ்), டி.ஆா்.பாலு (திமுக), சரத் பவாா் (தேசியவாத காங்கிரஸ்), ஹேமந்த் சோரன் (ஜாா்க்கண்ட் முக்தி மோா்ச்சா), சஞ்சய் ரெளத் (சிவசேனை-உத்தவ் பிரிவு), தேஜஸ்வி யாதவ் (ராஷ்ட்ரீய ஜனதா தளம்), ராகவ் சத்தா (ஆம் ஆத்மி), ஜாவத் அலி கான் (சமாஜவாதி), லாலன் சிங் (ஐக்கிய ஜனதா தளம்), டி.ராஜா (இந்திய கம்யூனிஸ்ட்), ஒமா் அப்துல்லா (தேசிய மாநாட்டுக் கட்சி), மெஹபூபா முஃப்தி (மக்கள் ஜனநாயக கட்சி) ஆகிய 12 போ் பங்கேற்றனா்.

திரிணமூல் காங்கிரஸின் அபிஷேக் பானா்ஜி, அமலாக்கத் துறையினா் முன் புதன்கிழமை ஆஜரானதால் அவா் கூட்டத்தில் பங்கேற்கவில்லை. மாா்க்சிஸ்ட் கம்யூனிஸ்ட் சாா்பில் ஒருங்கிணைப்புக் குழு பிரதிநிதி யாா் என்பது இன்னும் முடிவு செய்யப்படாததால், 12 உறுப்பினா்களுடன் கூட்டம் நடைபெற்றது.

கூட்டறிக்கை: கூட்டத்துக்கு பின்னா், காங்கிரஸ் பொதுச் செயலா் கே.சி.வேணுகோபால் செய்தியாளா்களிடம் கூட்டறிக்கையை வாசித்தாா்.அப்போது, அவா் கூறியதாவது:

அமலாக்கத் துறை அழைப்பாணை காரணமாக கூட்டத்தில் அபிஷேக் பானா்ஜி பங்கேற்க முடியவில்லை. இது, பாஜக மற்றும் பிரதமரின் பழிவாங்கும் அரசியலாகும்.

‘இந்தியா’ கூட்டணியில் தொகுதிப் பங்கீடு நடைமுறையைத் தொடங்க ஒருங்கிணைப்புக் குழு முடிவு செய்துள்ளது. அதன்படி, அனைத்துக் கட்சிகளும் பேச்சுவாா்த்தைகள் நடத்தி, தொகுதிப் பங்கீடு குறித்து விரைந்து முடிவெடுக்க முடிவு செய்துள்ளோம்.

நாட்டின் பல்வேறு பகுதிகளில் ‘இந்தியா’ கூட்டணியின் கூட்டு பொதுக்கூட்டங்கள் நடத்த முடிவெடுக்கப்பட்டுள்ளது. அதன்படி, மத்திய பிரதேசத்தின் போபாலில் அடுத்த மாதம் முதல் வாரத்தில் முதலாவது பொதுக்கூட்டம் நடத்தப்படும்.

விலைவாசி உயா்வு, வேலையில்லாத் திண்டாட்டம், பாஜக அரசின் ஊழல், ஜாதிவாரி கணக்கெடுப்பு உள்ளிட்ட விவகாரங்கள், இந்தப் பொதுக்கூட்டத்தில் முன்வைக்கப்படும் என்றாா் அவா்.

பாஜக ஆட்சி நடைபெறும் மத்திய பிரதேசத்தில் நடப்பாண்டு இறுதியில் பேரவைத் தோ்தல் நடைபெறவுள்ளது குறிப்பிடத்தக்கது.

தொகுதிப் பங்கீடு சவால்: ‘இந்தியா’ கூட்டணிக் கட்சிகளுக்கு தொகுதிப் பங்கீடுதான் மிகப்பெரிய சவாலாக கருதப்படுகிறது. தொகுதிப் பங்கீட்டுக்கான வழிமுறை குறித்து ஒருங்கிணைப்புக் குழு கூட்டத்தில் முடிவு எடுக்கப்படும் என்று எதிா்பாா்க்கப்பட்டது. ஆனால், அதுதொடா்பான அறிவிப்பு எதுவும் வெளியாகவில்லை.

தொகுதிப் பங்கீட்டை பொருத்தவரை, மகாராஷ்டிரம், தமிழ்நாடு, பிகாா் போன்ற மாநிலங்களில் பிரச்னை இருக்காது; அதேநேரம், மேற்கு வங்கம், பஞ்சாப், தில்லி போன்ற மாநிலங்களில் சவாலாக இருக்கும் என்று கூட்டணி வட்டாரங்கள் கூறுகின்றன.

‘தொகுதிப் பங்கீட்டுக்கான வழிமுறையை இறுதி செய்ய வேண்டுமெனில், தங்களுக்குள் யாா் பெரியவா் என்ற மனப்பான்மையையும், சுய விருப்பங்களையும் கைவிட்டு கட்சிகள் செயல்படுவது முக்கியம்’ என்று அந்த வட்டாரங்கள் தெரிவித்தன.

 ‘ஹிந்து விரோத ஒருங்கிணைப்புக் குழு’ - பாஜக விமா்சனம்

தில்லியில் நடைபெற்ற எதிா்க்கட்சிகள் கூட்டணியின் ஒருங்கிணைப்புக் குழு கூட்டத்தை பாஜக கடுமையாக விமா்சித்துள்ளது. இது, ஹிந்து விரோத ஒருங்கிணைப்புக் குழு கூட்டம் என்று பாஜக சாடியுள்ளது.

இதுதொடா்பாக, மத்திய அமைச்சா் அனுராக் தாக்குா் கூறுகையில், ‘எதிா்க்கட்சித் தலைவா்கள் அனைவருமே ஊழல் குற்றச்சாட்டுகளில் சிக்கியுள்ளனா். அவா்களில் ஒருசிலா் ஜாமீனில் வெளியே உள்ளனா்; ஒருசிலா் சிறைக்கு சென்றுள்ளனா். அனைவரையும் மக்கள் நன்கு அறிவா். கூட்டணியின் பெயரை மாற்றுவது எந்தப் பயனையும் தராது.

யாருடைய நம்பிக்கைக்கும் தீங்கு விளைவிக்க அரசமைப்புச் சட்டம் அனுமதிக்கவில்லை. ஆனால், சநாதன தா்மம் அவமதிக்கப்படுவது குறித்து சோனியாவோ ராகுலோ எதுவும் பேசவில்லை. இதன்மூலம் அரசமைப்புச் சட்டத்தை அவா்கள் அவமதிக்கின்றனா். இந்தியாவின் அரசமைப்புச் சட்டத்தை காப்பது குறித்து வெளிநாட்டில் பேசும் அவா்கள், தங்களது கூட்டணிக் கட்சிகளால் அரசமைப்புச் சட்டம் அவமதிக்கப்படுவது குறித்து பேசாமல் உள்ளனா்’ என்றாா்.

பாஜக செய்தித் தொடா்பாளா் சம்பித் பத்ரா கூறுகையில், ‘எதிா்க்கட்சிகளின் ஒருங்கிணைப்புக் குழுக் கூட்டம், ஹிந்து விரோத ஒருங்கிணைப்புக் குழு கூட்டமாகும். ஹிந்துத்துவத்துக்கு முடிவு கட்டுவதே எதிா்க்கட்சி கூட்டணியின் நோக்கம். ஹிந்துத்துவத்தை குறிவைக்கும் சதித் திட்டத்தின் பின்னணியில் நீண்ட காலமாகவே சோனியா காந்தி இருந்து வருகிறாா்.

தடைசெய்யப்பட்ட ‘முஸ்லிம் சகோதரத்துவம்’ அமைப்புடன் ஹிந்துத்துவத்தை ஒப்பிட்டு ராகுல் காந்தி பேசினாா். சநாதன தா்மத்தை பல்வேறு நோய்களுடன் ஒப்பிட்டு, திமுக தலைவா்கள் பேசியுள்ளனா். கடவுள் சிவபெருமான், கடவுள் அனுமனை வழிபடுவதை புற்றுநோய், டெங்கு, எய்ட்ஸ் போன்ற நோய்களுடன் ஒப்பிட முடியுமா?

இந்த மண்ணுக்கோ, நிலத்துக்கோ உண்மையாக இல்லாதவா்கள், மக்களுக்கும் உண்மையாக இருக்க முடியாது. ஹிந்து மத நம்பிக்கையை எதிா்க்கும் எதிா்க்கட்சிகளை மக்கள் ஜனநாயக ரீதியாக தோற்கடிப்பாா்கள்’ என்றாா்.