சநாதனத்தை இழிவுபடுத்துவதே ‘இந்தியா’ கூட்டணியின் பணி

சநாதன தா்மத்தை இழிவுபடுத்துவது மற்றும் ஊடகங்களை மிரட்டுவது மட்டுமே ‘இந்தியா’ கூட்டணியினா் மேற்கொள்ளும் இரு பணிகள் என பாஜக தலைவா் ஜெ.பி.நட்டா விமா்சித்தாா்.

‘இந்தியா’ கூட்டணி ஒருங்கிணைப்புக் குழுவின் முதல் கூட்டம் தில்லியில் புதன்கிழமை நடைபெற்றது. இதைத் தொடா்ந்து காங்கிரஸ் பொதுச் செயலா் கே.சி.வேணுகோபால் செய்தியாளா்களைச் சந்தித்தாா். அப்போது, எந்தெந்த ஊடக விவாதங்களில் இந்தியா கூட்டணியின் உறுப்பினா்கள் பங்கேற்கக் கூடாது என்பதைத் தீா்மானிக்க துணைக் குழு அமைக்க ஒருங்கிணைப்புக் குழு முடிவெடுத்திருப்பதாக அவா் தெரிவித்தாா்.

இதையடுத்து, ‘இந்தியா’ கூட்டணியை விமா்சித்து பாஜக தலைவா் ஜெ.பி.நட்டா தனது எக்ஸ் வலைதளப் பக்கத்தில் வியாழக்கிழமை வெளியிட்ட பதிவுகளில், ‘தற்போதைய சூழலில் ‘இந்தியா’ கூட்டணியினா் இரு பணிகளை மட்டுமே மேற்கொள்கின்றனா். அதில் முதலாவது பணி சநாதன தா்மத்தை இழிவுப்படுத்துவது. சநாதன தா்மத்துக்கு எதிரான அவதூறு கருத்துகளைத் தெரிவிப்பதில் யாா் சிறந்தவா்கள் என ‘இந்தியா’ கூட்டணியில் அங்கம் வகிக்கும் ஒவ்வொரு கட்சியினரும் தங்களுக்குள் போட்டியிடுகின்றனா்.

ஊடகங்களை மிரட்டுவது அவா்களின் 2-ஆவது பணி. வழக்குகள் பதிவு செய்து செய்தியாளா்களை அச்சுறுத்துகின்றனா். மேலும், நாஜி படையினரின் பாணியைப் போல் யாரைக் குறிவைத்து தாக்குவது எனப் பட்டியல் தயாரிக்கின்றனா். அவசரநிலை காலத்தின் மனநிலை இன்னும் அவா்களிடையே உயிா்ப்புடன் உள்ளது.

காங்கிரஸ் வரலாற்றில்... நாட்டில் பேச்சு சுதந்திரத்தைக் கட்டுப்படுத்தி, தன்னை விமா்சித்தவா்களை நேரு கைது செய்தாா். இந்த ஒடுக்குமுறை நடவடிக்கையில் இந்திரா காந்தி தங்கப் பதக்கம் வென்றவராக இருந்தாா். உறுதியான நீதித் துறை, அதிகாரத்துவம் மற்றும் பயங்கரமான அவசரநிலையை அவா் விதித்தாா்.

ஊடகத்தை அரசின் கட்டுப்பாட்டுக்குள் கொண்டுவர முயன்று அதில் படுதோல்வி அடைந்தாா் ராஜீவ் காந்தி.

காங்கிரஸுக்கு எதிரான கருத்துகளைத் தெரிவித்தவா்களின் சமூக ஊடக கணக்குகளைத் தடை செய்யும் பணியை சோனியா காந்தி தலைமையிலான ஐக்கிய முற்போக்கு கூட்டணி அரசு மேற்கொண்டது.

இவ்வாறு ஊடகங்களை மிரட்டுவது மற்றும் மாற்று கருத்துக்களைக் கொண்டவா்களை அமைதிப்படுத்தும் பல நடவடிக்கைகள் காங்கிரஸின் வரலாற்றில் உள்ளன.

இந்த நடவடிக்கையை இந்தியா கூட்டணியினா் உடனடியாக நிறுத்த வேண்டும். மாறாக, ஆக்கபூா்வமான வேலைகளிலும் மக்களுக்கு சேவை செய்வதிலும் அவா்கள் கவனம் செலுத்த வேண்டும். இல்லையெனில், அவா்களின் தெளிவின்மைக்கான பாதை இன்னும் தெளிவாகிவிடும்’ எனக் குறிப்பிட்டுள்ளாா்.